Спорт
Оливер ќе им суди на Хрватска и Бразил – Хрватите секогаш играат нерешено кога им суди Англичанец
Во петок се играат првите два четвртфинални натпревари на 22. Светско првенство. ФИФА ги објави имињата на судиите кои ќе ја делат правдата на овие натпревари.
Во првото четвртфинале, на „Едукејшн“ стадионот, од 16 часот ќе играат Хрватска и Бразил. Правдата ќе ја делат суди од Англија.
Судиската тројка ќе ја предводи Мајкл Оливер, негови помошници ќе бидат Стјуарт Бурт и Гери Бесвик, а четврти судија ќе биде Мустафа Горбал. Во ВАР собата ќе бидат Пол ван Бокел, Масимилијано Ирати, Кетрин Несбит и Хуан Сото.
— FIFA Media (@fifamedia) December 7, 2022
Мајкл Оливер ќе биде петтиот судија од Англија што ќе и суди на Хрватска на големите натпреварувања.
Ентони Тејлор им судеше на Хрватите против Белгија тој меч заврши без голови. Марк Клатенбург и судеше на Хрватска на ЕУРО 2016 против Чешка, натпреварот заврши 2:2.
Хауард Веб беше главен судија на натпреварот помеѓу Хрватска и Италија на ЕУРО 2012. Натпреварот заврши со резултат 1:1. Греам Пол го водеше натпреварот на Хрватска на Светското првенство во 2006 година против Австралија, интересно и овој натпревар заврши без победник 2:2.
Во второто четврт-финале со почеток од 20 часот на стадионот „Лусаил “за пласман во полуфиналето ќе се борат Холандија и Аргентина.
Судиската тројка ќе биде од Шпанија, а ќе ги води Антонио Матеу Лахоз со помошниците Пау Себриано и Роберто Диас. Четврти судија ќе биде Виктор Гомеш. Во ВАР собата ќе бидат Алехандро Ернандез, Дру Фишер, Алесандро Гиљатини и Хулио Башуан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Убедливи победи на Шкендија и Брера, Работнички славеше против Шкупи, Струга и Гостивар освоија по бод
Шкендија и АП Брера забележаа убедливи победи во дуелите со Вардар и Пелистер во 8.коло, во Првата македонска фудбалска лига. Во дербито актуелниот првак Стуга ТЛ и Гостивар одиграа 2:2, Работнички во градската пресметка го победи Шкупи со 2:1, Беса со минимален резултат ја победи екипата на Воска спорт, а без голови заврши дуелот меѓу Тиквеш и Силекс.
Дуелот на Шкендија и Вардар требаше да бид дерби, но домашниот тим за само 27 минути ги реши сите дилеми околу победникот. Трумчи погоди во третата, Ибраими во 13. и Ахмеди во 27.минута. Конечните 4:0 ги постави Рамадани во 73.минута.
Дуелот во Тетото беше тензичен, судијата покажа 11 жолти картони, а во последните 10 минути голманот на Вардар Гачевски се пожали дека бил погоден со некаков предмет од трибината. Потоа тој имаше мала вербална расправија со Ибраими кој се обиде да го смири страстите. На крајот од мечот Гачевски со помош на полицијата го напушти теренот.
Резултати, 8.коло:
Работнички-Шкупи 2:1
(Регба 36′, Пинтер 56′(аг) – Стојановски 78′)
Беса-Воска спорт 1:0
(Селмани 11′)
АП Брера– Пелистер 4:0
(Ристовски 45’+3, Јанкулов 47′, Ивковиќ 61′, Тодоровски 68′)
Струга ТЛ – Гостивар 2-2
(Кехинде 25′, Компаоре 45’+2 – Ајдоган 36′, Симоновски 85′)
Шкендија- Вардар 4:0
(Трумчи 3′, Ибраими 13′, Ахмеди 27′, Рамадани 73′)
Тиквеш-Силекс 0:0
Табела:
Спорт
На Мбапе не му е дозволено да го гледа дербито во Мадрид
Францускиот фудбалер Килијан Мбапе нема да може во живо да го следи мадридското дерби на стадионот „Ванда Метрополитано“.
Средбата е закажана за в недела во 21 часот, а напаѓачот на Реал добил совет да не доаѓа лично.
Од клубот го советувале да остане дома бидејќи се плаши од можни прекршувања на безбедносните правила.
Во последните години зачестија судирите меѓу навивачите на двата клуба.
Да потсетиме, Мбапе е надвор од тимот поради повреда на бутот здобиена на натпреварот против Алавес.
Поради ова тој ќе паузира три недели.
Спорт
Мартин возвраќа со доминација во Индонезија
Возачот на Прамак Дукати, Хорхе Мартин, славеше на Големата награда на Индонезија, 15-та трка од сезоната во Мото ГП.
На патеката „Мандалика“ Шпанецот ја освои третата победа сезонава, прва по трката во Ле Ман пред нешто повеќе од четири месеци, откако водеше од почеток до крај. На овој начин Мартин избриша голема грешка од саботниот спринт, кога излета од патеката во првиот круг, притоа водејќи и одлепувајќи се од своите ривали.
Најблиску до Мартин беше Педро Акоста од Гас Гас, кој заостана секунда и пол, додека на двајцата на подиумот им се придружи победникот во спринт Франческо Бања. Актуелниот шампион заостануваше повеќе од четири секунди зад Акоста.
Покрај доминацијата на Мартин, трката ја одбележаа и пензионирањето на Марко Маркез и Енеа Бастианини. Осумкратниот светски шампион ја заврши трката предвреме бидејќи неговото Дукати се запали, додека возачот на Дукати излета од патеката само што беше трет и беше во жешка потера не само на Акоста, туку и на Мартин.
Ваквиот расплет значи дека Мартин ја зголеми предноста во генералниот пласман на 21 бод во однос на Бањаја. Заостанувањето на Бастианини сега е 75 поени, додека Маркез заостанува 78 поени зад својот сонародник.