Спорт
Ван Гал за изјавата на Ди Марија: Депај го помина истото па се бакнуваме во уста
Селекторт на Холандија, Луис ван Гал, зборуваше за Анхел Ди Марија на прес-конференција во пресрет на натпреварот против Аргентина во четврфиналето на Светското првенство.
Ди Марија, претходно во кариерата изјави дека Ван Гал е најлошиот тренер со кој соработувал. Ван Гал му беше тренер на Ди Марија во Манчестер јунајтед.
На прес конференцијата пред утрешниот натпревар, медиумите го потсетија Ван Гал на оваа изјава на Аргентинецот.
„Ди Марија е многу добар играч кој во тоа време имаше проблеми во приватниот живот. На пример, тој беше ограбен, што влијаеше на неговата форма таа сезона. Тој е еден од играчите кои ме нарекоа најлош тренер. Жал ми е за тоа мислам дека е тажно, но тренерот понекогаш мора да носи тешки одлуки. Од друга страна, Мемфис Депај го помина истото во Манчестер јунајтед и сега се бакнуваме во уста. Така оди во фудбалот“, изјави Ван Гал, а Депај кој беше со него на прес-конференцијата почна да се смее.
„Да, сега е смешно, но навистина не е, верувајте ми. Тренерот не прави такви работи без причина. Сепак, тој не сака да се бакнува во уста, штета е“, заклучи Ван Гал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.