Спорт
Карим Бензема се враќа на тренинзите на Реал
Напаѓачот на Реал Мадрид, Карим Бензема, кој поради повреда не игра на Светското првенство во Катар, од сабота ќе почне да тренира во шпанскиот клуб, соопшти тренерот Карло Анчелоти.
Како што пренесуваат француските медиуми, Бензема во сабота ќе се врати на тренинзите. Неговото враќање на тренинзите ќе биде истиот ден кога француската репрезентација ќе игра против Англија во четвртфиналето на Светското првенство.
Француската фудбалска федерација пред почетокот на првенството на 20.ноември објави дека Бензема ќе го пропушти Мундијалот поради повреда на бутниот мускул. Од федерацијата тогаш изјавија дека закрепнувањето ќе трае три недели. Фудбалерот се уште официјално е на списокот на француската репрезентација.
Меѓународната фудбалска федерација (ФИФА) неодамна за француските медиуми објасни дека на крајот од првенството ќе додели 26 медали на победничките тимови, колку што францускиот селектор Дидие Дешам повика во репрезентацијата. Тоа би значело дека во случај Франција да освои медал на Светското првенство, медал би добил и Бензема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед сака трејд со Барселона – Бруно за Де Јонг
Бруно Фернандеш е еден од ретките фудбалери на Манчестер јунајтед кој го оправдува своето реноме на теренот. Капитенот не е сигурен дека ќе остане во клубот и наредната сезона.
„Очигледно некои работи не зависат само од мене, нели?“, изјави Бруно Фернандеш и со тоа јасно кажа дека има шанси да го напушти клубот на крајот од сезоната.
Англиските медиуми тврдат дека Бруно и е понуден на Барселона.
Имено, од Манчестер јунајтед се подготвени да го понудат Бруно Фернандеш како дел од трансферот во кој сакаат да го доведат Френки де Јонг од Барселона.
Во текот на целото лето 2022 година, раководството на Манчестер јунајтед се обидуваше да го доведе Холанѓанецот, но на крајот не успеа и на крајот го доведоа Касемиро за 70 милиони фунти.
Де Јонг потоа остана во Барселона, но наводно е на врвот на листата на желби на Сер Џим Ретклиф. Раководството на Манчестер јунајтед не сака да плати 77,5 милиони фунти за него, а тие се подготвени да го понудат Бруно Фернандеш.
Наводната понуда на Манчестер јунајтед до Барселона е 17 милиони фунти и Бруно Фернандеш за Де Јонг, а сега на потег е и раководството на клубот од Шпанија.
Спорт
(Видео) Денвер победи кај Минесота, Индијана славаше над Њујорк
Кошаркарите на Денвер Нагетс ја совладаа Минесота Тимбервулвс со 117:90 и намалија на 2-1 во полуфиналето на Западната конференција.
Нагетс одговорија шампионски по шлаканиците што го добија во првите два натпревари пред своите навивачи во Минеаполис максимално се вратија во серијата.
Јокиќ го заврши натпреварот со 24 поени, 14 скока, девет асистенции, три украдени топки и три блокади.
Џамал Мареј беше одличен со 24 поени и пет асистенции, Мајкл Портер постигна 21, Арон Гордон 13, од кои три тројки на стартот на третиот период, а Кентавијус Колдвел-Поуп 12 поени.
Во поразениот тим Едвардс постигна 19 поени, Таунс 14, а Конли и МекДаниелс по 10 поени.
Следниот натпревар се игра ноќта меѓу недела и понеделник од 02.00 часот.
Кошаркарите на Индијана Пејсерс ги совладаа Њујорк Никс со 111:106, во третиот натпревар од четвртфиналето на НБА плеј-офот.
Пејсерси го намалија резултатот во серијата на 2:1 на домашен терен, Њујорк претходно победи во двата меча на домашен терен.
Тајрис Халибартон го предводеше домашниот тим до победата со 35 поени со четири скока и седум асистенции, а го следеше Паскал Сијакам со 26 поени и седум скока.
Двоцифрен беше и Мајлс Тарнер кој успеа да оствари дабл-дабл учинок, односно 21 поен со 10 скока.
Кај Никс се истакна Донте Дивиченцо со 35 поени со три скока и две асистенции, а го следеше Џејлен Бренсон со 26 поени и шест асистенции.
Следниот дуел е закажан за в недела од 21 часот и 30 минути.
Спорт
„Тоа беше несреќа“ – Новак Ѓоковиќ проговори и откри како се чувствува по инцидентот со шишето
Новак Ѓоковиќ се огласи по непријатноста што ја доживеа кога го напушташе теренот во Рим, и потпишувајќи автограми случајно беше удрен со шише во главата.
Тенисерот им се заблагодари на сите за пораките за поддршка и истакна дека е добро.
„Ви благодарам за вашите пораки. Ова беше несреќен случај и јас сум добро, одмарам во хотел со ледена облога. Се гледаме во недела – напиша Ѓоковиќ на социјалната мрежа „Икс“.
Thank you for the messages of concern. This was an accident and I am fine resting at the hotel with an ice pack. See you all on Sunday. #IBI24
— Novak Djokovic (@DjokerNole) May 10, 2024
Најважно е дека Новак е добро и подготвен да продолжи да се натпреварува во Рим. Србинот во второто коло го совлада Французинот Корантен Муте.
Тој во недела ќе игра против Чилеанецот Алехандро Табил.