Македонија
(Видео) Николоски од Прилеп: Оваа општина следната година нема да има неасфалтирана улица, а Владата да ги одобри општинските обврзници
Како носител во четвртата изборна единица, како човек кој што ги добил гласовите и тука во Прилеп, можам да кажам дека општина Прилеп добро напредува и дека за следната година има една добра развојна програма. Морам да кажам дека ова ќе е прва година каде што целосно Буџетот ќе биде креиран од страна на новата општинска администрација. Значи веќе ќе се работи со визија која што ја има градоначалникот, претседателот на Совет, советниците од советничкото мнозинство, кои што ја добија довербата на минатите локални избори, рече потпретседателот на ВМРО-ДПМНЕ, Александар Николоски.
„ Можам неколку работи да најавам, прво асфалтирање на преку 45 улици и улички во Прилеп што значи дека ќе нема улица поголема или помала која што ќе остане со дупки или во кал, односно ќе нема улица во Прилеп која што нема да има асфалт. Тоа е онашто граѓаните најмногу го посакуваат. Понатака, двата влеза и влезот од страна на Крушево, кој што треба да се направи, а исто така и влезот кој што доаѓа од оваа страна на градот би рекол кој што излегува према Плетвар и према Скопје, како и према и Македонски брод. Така што тоа е втората голема работа. А, третата голема работа е што зборуваме за неколку кружни текови во градот кои што ќе ги дискутираме и денес и утре со граѓаните.
Останува заложбата за водоводни и канализациони системи, како и реновирање и подобрување на условите во неколку општински основни и средни училишта.
Сето ова е предвидено со средствата кои што може да ги собере Општината во рамки на своите редовни приходи, а исто така општината планира да издаде обврзница, општинска обврзница во максимална вредност до пет милиони евра која што треба да затвори дел од крупните проекти“ рече Николоски.
Тој апелираше до целата Влада да се надминат себе и да сфатат дека и во градовите, и општините каде што СДСМ и ДУИ изгубија на минатите локални избори исто така живеат луѓе, а тоа, како што нагласи, е доминантниот дел од Македонија и да не ги блокираат општинските обврзници на Влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дурмиши ќе учествува на конференција на министри за економија во рамки на Берлинскиот процес во Берлин
Министерот за економија и труд Бесар Дурмиши утре ќе учествува на конференција на министри за економија во рамки на Берлинскиот процес која се одржува во Берлин, Сојузна Република Германија.
Дурмиши со колегите министри за економија од земјите од Западен Балкан на бизнис формум ќе дискутираат на тема “10 години Берлински процес-Западен Балкан како економска област на патот на ЕУ“.
На конференцијата на министри покрај Дурмиши ќе присуствуваат министрите за економија на Албанија, Србија, Косово, Црна Гора, Босна и Херцеговина.
Берлинскиот процес беше воспоставен во 2014 година како платформа за соработка на високо ниво меѓу високи официјални претставници на шест земји од Западен Балкан и нивните колеги во Земјите домаќини на Берлинскиот процес.
Процесот ги вклучува и институциите на ЕУ, меѓународните финансиски институции и граѓанското општество во регионот, Регионалната канцеларија за младинска соработка RYCO и бизнисите.
Македонија
Тошковски од Охрид: Имплементација на научните достигнувања овозможува подобро да се справуваме со предизвиците на безбедноста
Денеска министерот за внатрешни работи се обрати на 15. Меѓународна научна конференција на тема „Современи безбедносни предизвици и зајакнување на отпорноста на земјите од Југоисточна Европа“ која се одржува во Охрид 23-24 септември, во организација на Факултетот за безбедност – Скопје и фондацијата „Фридрих Еберт“. Тошковски ја упати својата благодарност до организаторот за можноста да се обрати пред реномираниот собир на експерти од областа на безбедносните науки и истакна дека конкретната тема посебно погледната од аспект на моменталните глобални трендови и случувања бара сериозно експертско анализирање со цел проекција на решенија кои имплементирани ќе ја гарантираат безбедноста и отпорноста на регионот.
„Унапредување на науката и академското истражување на степен на којшто заслужува е нужно не само за научната фела, туку и за практиката како таква. Ако сакаме да зборуваме за безбедно општество, борба против сите видови сериозен криминал, нужно е да ги дискутираме темите и на ова академско и експертско ниво со цел заклучоците и научните факти кои ќе произлезат од ваквите настани, да ги имплементираме во институциите со што ќе го зголемиме нивното ниво за да се борат со сите предизвици како што се организираниот криминал, сајбер криминалот и високата корупција. Научната мисла мора да го даде својот придонес во секој од овие пилари во кои институциите како МВР ќе треба да се развиваат во иднина.“, потенцираше Тошковски.
На крајот на своето обраќање Тошковски нагласи дека со имплементирање на научната мисла и достигнувања создадени на вакви конференции и форуми овозможува подобро да се подготвиме за сите предизвици кои не очекуваат во иднината и кои се клучни за безбедноста на државата, регионот и пошироко.
Македонија
Средба Муцунски – Гераптеритис во Њујорк: почитувањето на меѓународното јавно право е од суштинско значење за обезбедување на иднина заснована на заеднички просперитет
На маргините на Генералното собрание на ОН, денеска министерот за надворешни работи и надворешна трговија, Тимчо Муцунски, се сретна со министерот за надворешни работи на Република Грција, Јоргос Герапетритис.
Оваа средба претставува важен чекор напред во зајакнувањето на регионалната соработка и значајно унапредување на дипломатските односи. Во текот на конструктивната дискусија посебно внимание беше посветено на можностите за развој на трговијата, инфраструктурата и инвестициите во енергија, како клучни области, каде постојат реални можности за проширување на соработката.
Почитувањето на меѓународното јавно право е од суштинско значење за обезбедување на иднина заснована на заеднички просперитет и одржлив мир. Заемната посветеност на овие принципи е основа за успешна реализација на идни корисни иницијативи и проекти, нагласуваат од МНР.