Фудбалската репрезентација на Англија, според цените на фудбалерите, има најголема вредност од сите учесници на Европското првенство. Според порталот „Трансфермаркт“, вкупната вредност на англиските репрезентативци изнесува 1,52 милијарди евра.

Вредноста од една милијарда ја надминаа уште две репрезентации, Франција (1,23) и Португалија (1,05). На четврто место е Шпанија (965), а на петтото место се Германците (851).

Од сите пријавени играчи, најскапи се францускиот напаѓач Килијан Мбапе и англискиот играч за врска Џуд Белингем. Од следната сезона соиграчите во Реал Мадрид се проценуваат на 180 милиони евра.

Во Топ има иште двајца Англичани, Фил Фоден (150 милиони евра) и Букајо Сака (140).

Селекторот на холандската фудбалска репрезентација Роналд Куман одлучи да го повика Џошуа Зиркзе во репрезентацијата на претстојното Европско првенство во Германија.

Во соопштението се наведува дека Зиркзе, во текот на денот ќе и се приклучи на холандската репрезентација во базата во Волфсбург.

Зиркзе (23) е член на Болоња, а ги помина сите младински селекции на Холандија. Тој се уште не дебитирал за сениорската репрезентација.

Во изминатата сезона, тој постигна 12 гола со седум асистенции во 37 натпревари за Болоња,

Холандија има проблеми со повреди на играчите, бидејќи Френки де Јонг и Теун Копмајнерс нема да играат на ЕП.

Куман претходно го покани Јан Матсен во селекцијата на Холандија.

Селекторот повика Зиркзе откако напаѓачот Брајан Бробај се повредил на последниот тренинг.

Младиот фудбалер ја добил поканата додека бил во посета на Дизниленд за време на неговиот одмор на Флорида.

ЕУРО 2024 ќе се одржи од 14 јуни до 14 јули во Германија, а Холандија ќе биде во групата Д со Полска, Австрија и Франција.

pic.twitter.com/vAVgNoabkk

— OvoOno (@OvoOnoX) June 13, 2024

Фудбалскиот сојуз на Азербејџан официјално соопшти дека нов селектор на националниот тим е 69-годишниот португалски стручњак Фернандо Сантош.

Планот на Фудбалскиот сојуз на Азербејџан е Фернандо Сантош да создаде конкурентен тим кој ќе се пласира на следното Европско првенство кое ќе се одржи во 2028 година.

Најголемиот успех во кариерата Фернандо Сантош го постигна во 2016 година, кога ја предводеше Португалија до титулата европски првак.

Во својата кариера ги водеше трите најсилни португалски клубови, Порто, Бенфика и Спортинг Лисабон, а селектор на Португалија беше од 2014 до 2022 година. Пред тоа ја предводеше Грција, а откако Португалците му врачија отказ по СП во Катар, имаше исклучително неуспешна авантура како селектор на Полска.

Во текот на 2024 година, како негова последна работа пред Азербејџан, тој го тренираше Бешикташ, каде беше отпуштен во април поради лошите резултати.