Свет
Борел: Помагајќи и на Украина, ЕУ ги исцрпи своите воени резерви
![](https://makfax.com.mk/wp-content/uploads/2022/08/borel.jpg)
Џосеф Борел, денеска предупреди дека Европската унија со снабдувањето на Украина со оружје ги исцрпила нејзините воени резерви.
„Оваа војна беше и повик за будење за сите нас во однос на нашите воени способности. И дававме оружје на Украина, а потоа сфативме дека нашите воени резерви се исцрпени“, напиша Борел на својот неделен блог, пренесе ТАСС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Кина отвори истрага за увоз на свинско месо од ЕУ
![](https://makfax.com.mk/wp-content/uploads/2024/06/svinsko-mes.jpg)
Кина денеска објави истрага за увоз на свинско месо и производи од свинско месо од Европската унија по поплаките на домашните производители дека се продаваат по вештачко ниски цени.
Истрагата ќе опфати свинско месо наменето за човечка исхрана, како што се свежи, ладни и замрзнати парчиња свинско месо и свински црева, желудник, а ќе започне на 17 јуни на барање на Кинеската асоцијација за сточарство, соопшти Министерството за трговија.
Надлежниот државен орган мора да го заврши во рок од една година, со можност за продолжување за дополнителни шест месеци доколку има потреба, посочуваат од министерството.
На крајот на минатиот месец, весникот Глобал тајмс објави, цитирајќи деловни извори, дека кинеските производители планираат да побараат истрага за увоз на некои свински производи од ЕУ, тврдејќи дека тие се продаваат по вештачко ниски цени.
Весникот во четвртокот објави на платформата X, повикувајќи се на „инсајдерски“ информации, дека компаниите официјално побарале истрага, без да прецизираат кои производи треба да ги опфати. Не ги наведоа ниту фирмите кои го поднеле барањето.
Свет
Во Турција речиси 16.000 луѓе повредени при колење жртвени животни за Рамазан-бајрам
![](https://makfax.com.mk/wp-content/uploads/2024/06/fr.jpg)
Турскиот министер за здравство ,Фахретин Коџа, денеска изјави дека речиси 16.000 луѓе во Турција се повредени за време на колењето на жртвените животни за време на исламскиот празник Курбан-бајрам.
Тој на мрежата Х напиша дека 1.274 лица се пријавиле во медицинските установи во Анкара, 840 во Истанбул и 416 во Измир поради повреди добиени при колење жртвени животни.
Коџа изјави дека овие повреди настанале затоа што „животните не се колат од професионалци“.
„Ги советуваме граѓаните да внимаваат на ова. Приближно 16.000 луѓе од првиот ден нема да може да уживаат во празникот колку што сакаат“, предупреди Коџа.
Одбележувањето на четиридневниот исламски празник Курбан-бајрам почна вчера.
Европа
Русија: Договараме размена на затвореници со Америка
![](https://makfax.com.mk/wp-content/uploads/2024/06/gerskovic-peskov.jpg)
Кремљ денеска соопшти дека се остварени контакти со САД за можна размена на затвореници во која би бил и Еван Гершкович, известувач на Wall Street Journal, но дека медиумите не треба да добиваат дополнителни детали за нив.
Портпаролот на Кремљ, Дмитриј Песков, го цитираше рускиот претседател Владимир Путин како рекол на состанокот со уредниците на меѓународните новински агенции претходно овој месец дека Русија и САД биле во контакт по ова прашање.
„Сакам повторно да ве потсетам на разговорот на претседателот со шефовите на новинските агенции во Санкт Петербург, тој потврди дека има такви контакти. Тие продолжуваат, но треба да продолжат во целосна тишина. Затоа, никакви соопштенија, изјави или информации, за ова прашање не можат да бидат дадени“, рече Песков.
На прашањето зошто судењето на Гершкович за шпионажа се одвива зад затворени врати, Песков рече дека не може да коментира за такви работи бидејќи тоа е судска одлука. „Тоа е одлука на судот. Не можеме да го коментираме тоа“, рече тој.
Гершкович (32) беше приведен од Федералната служба за безбедност (ФСБ) на 29 март 2023 година во уралскиот град Екатеринбург, 1.400 километри источно од Москва, под обвинение за шпионажа што носи до 20 години затвор.
Гершкович, првиот американски новинар кој беше приведен под обвинение за шпионажа од крајот на Студената војна пред повеќе од три децении, постојано ги негираше обвинувањата.