Спорт
Анчелоти ќе раскине со Реал за да го преземе Бразил

Бразил е во потрага по селектор откако Тите си замина по елиминацијата од Хрватска, во четвртфиналето на Светското првенство во Катар. Прашање од милион долари е кој ќе го наследи Тите на селекторската функција?
Бразилската легенда Роналдо, тврди дека новиот селектор ќе биде 48.годишниот Фернандо Диниз, ианку актуелен тренер на Флуминенсе.
Од друга срана јавноста верува дека новиот селектор ќе биде странец. Токму тоа го тврдеше и Роналдо, но тој велеи дека Пеп Гвардиола ја одбил понудата од Фудбалскиот сојуз на Бразил.
Португалскиот новинар на Си-ен-ен, Бруно Андраде, пишува дека Бразилците сега ќе тргнат по Карло Анчелоти (63). Италијанецот наводно би можел да ја преземе бразилската репрезентација во јуни 2023 година, откако ќе ја заврши сезоната со Реал Мадрид.
Италијанецот има важечки договор со Реал до јуни 2024 година, но се претпоставува дека би можел да го напушти Мадрид една година порано поради понудата од Бразил.
Анчелоти во кариерата никогаш не бил селектор. Како тренер ги водеше Реџана, Парма, Јувентус, Милан, Челзи, ПСЖ, Реал Мадрид, Баерн, Наполи и Евертон, а од 1992 до 1995 година работеше како помошник тренер во италијанската репрезентација.
Во кариерата освои се во клупскиот фудбал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нема билети за вечерашниот ракометен меч меѓу Македонија и Литванија

Билетите за вечерашниот ракометен натпревар меѓу Македонија и Литванија во Спортскиот центар „Јане Сандански“ се распродадени. Во пресрет на натпреварот селекторот на Македонија го објави тимот за последниот квалификациски натпревар за Европското првенство 2026 Ќе играат истите играчи кои Талин ја победија Естонија. Голман е биде Мартин Томовски.
Натпреварот почнува во 18 часот.
Спорт
(Видео) Хамбург слави – ХСВ се врати во Бундеслига

Хамбург го слави враќањето на ХСВ во најсилната лига на германскиот фудбал. Седум години по елиминацијата славниот клуб повторно е дел од елитата во која се внедри во голем стил – победа од 6:1 против Улм пред околу 60.000 луѓе на “Фолксарк” стадион.
Тимот од најголемото германско пристаниште остана на прво место, но не го обезбеди. Тоа ќе може да го направи во последното коло против Гројтер Фирт.
Близу до пласман во највисокиот ранг е и Келн, кому му е потребен бод во последните деветдесет минути фудбал за математички да ја обезбеди таа цел.
Десетина илјади навивачи извршија инвазија на теренот во Хамбург откако судијата свирна крај на мечот со Улм.
Спорт
Александар Сорлот даде три гола за 3 минути и 57 секунди и испиша историја на шпанскиот фудбал

Александар Сорлот, напаѓач на Атлетико Мадрид, испиша историја на шпанскиот фудбал. Сорлот постигна четири гола во првите 30 минути од мечот помеѓу Атлетико и Реал Сосиедад.
Првиот гол го постигна во седмата, вториот во десетата, а третиот во 11. минута, со што веќе ги испиша првите страници на историјата на овој натпревар, бидејќи постигна најбрз хет-трик во историјата на Ла Лига.
Три гола за 3 минути и 57 секунди. Оние кои мислеа дека тоа ќе му биде доволно на 29-годишниот Норвеѓанец, се излажаа. Сорлот постигна гол и во 30. минута од мечот, правејќи нешто што никој никогаш не го направил, со четири гола во првите половина час фудбал.
Не помина ни година од последниот меч во кој овој играч постигна четири гола – тоа беше на 19. мај против Реал Мадрид минатата сезона, во дресот на Вилјареал.