Македонија
Тренчевска : Соработката со меѓународните организации е од особена важност во унапредување на социјалната заштита
Министерката за труд и социјална политика, Јованка Тренчевска денеска се сретна со директорката на мулти – државната канцеларија на UNOPS задолжена за Србија, Црна Гора, Mакедонија и Украина, Михаела Телатин како и Советникот за поддршка во управување со проекти за канцеларијата на UNOPS во Скопје, Ванелин Рангелов. На средбата се разговараше за интензивирање на соработката помеѓу Министерството за труд и социјална политика и Канцеларијата на UNOPS.
„Во делокругот на она што го работиме како Министерство како еден од нашите идни приоритети е социјалното домување. Ние ја препознаваме важноста сите граѓани во државата да имаат нормални услови за живеење. Затоа во фокусот на нашите политики се секогаш ранливите категории на граѓани“ рече Тренчевска.
Таа истакна дека министерството продолжува посветено да работи на развивање на социјалните услуги и детската заштита.
„Неуморно се залагаме за енергетски ефикасни градинки и економски независни, за таа цел поставуваме фотоволтаици на оние градинки на кои немаме веќе поставено. На овој начин придонесуваме во заштеда на електрична енергија како и можност за пренамена на средствата од буџетот на градинките за влог во објектите на градинките со цел подобри услови за дечињата. Особено е важно тоа што вложуваме и во панели за прочистување на воздухот со што директно влијаеме на зачувување на животната средина“ рече Тренчевска.
За време на средбата директорката, Михаела Телатин ја истакна важноста од соработката на UNOPS и Република Северна Македонија за интеграцијата во Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: СДС се виновни за раздвојувањето на Албанија од Македонија
СДС се виновни за раздвојувањето на Албанија од Македонија, државата 7 години ја потонаа во криминал. СДС ликуваат на тоа што Македонија е заглавена. СДС напорно работеа првин да бидеме ставенј во исто кош со Албанија, а потоа и Албанија да не претрка, велат од ВМРО-ДПМНЕ.
„СДС свесно работат Македонија да биде заглавена почнувајќи од договорите потпишани од Заев, завршувајќи со криминалот и корупцијата кои царуваа 7 години со СДС. 2% доверба во судството, девастирано здравство и образование, СДС систематски ја разгради државата. Радоста на СДС нема да трае, Македонија оди напред, со ВМРО-ДПМНЕ следува економска трансформација, владеење на право и просперитет“, пишуваат од партијата.
Македонија
Времето денеска ќе биде облачно со врнежи од дожд, грмежи и силен северен ветер
Заладувањето пристигна и во Македонија.
Управата за хидрометеоролошки работи информира дека времето денеска ќе биде променливо облачно со повремени врнежи од дожд и локална појава на грмежи.
Наместа врнежите ќе бидат пообилни.
Ќе дува засилен, a долж Повардарието и во источните делови силен северен ветер (наместа над 70км/ч.)
Максималните дневни температури ќе се движат од 15 степени на повисоките места на западот на земјата, до 27 Целзиусови степени на крајниот југ.
Во Скопје, променливо облачно со повремени врнежи од дожд и услови за ретки грмежи. Ќе дува засилен ветер од северен правец. Температурата ќе достигне до 22 степени.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.