Спорт
Бензема сакал да остане, Дешам го натерал да го напушти Катар
Во финалето на Светското првенство во Катар во недела на 18 декември ќе се сретнат бранителот на титулата Франција и Аргентина. Двете репрезентации имаат можност да дојдат до третата светска шампионска титула во историјата.
Франција и покрај проблемите со повредите, успеа да дојде до финалето. На турнирот ги нема Погба, Канте, Кимпембе, Мењан, Нкунку и секако Карим Бензема (34), најдобриот играч на Реал Мадрид и актуелен освојувач на Златната топка. Напаѓачот на Реал се повреди ден пред почетокот на Светското првенство.
Откако ја обнови повредата на бутниот мускул, тој се врати во Мадрид, а селекторот Дидие Дешам, реши да не повика друг играч на неговото место. Новинарот Сеџи валентин, тврди дека кога ја обновил повредата, Дешам му рекол на Бензема.
„Штата е што мораш да се вратиш дома“.
Пред неколку дена се појави информација дека Бензема би можел повторно да му се приклучи на националниот тим, па дури и да игра во финалето, но кога селекторот Дидие Дешам го прашаа дали е тоа можно, тој одби да одговори.
Didier Deschamps says he "prefers not to answer" a question about a report that Karim #Benzema is rejoining the France squad ahead of the final.
🤐#FIFAWorldCup pic.twitter.com/HqIbJSh3Gw
— Juliet Bawuah (@julietbawuah) December 15, 2022
„Никогаш не сум се откажал во мојот живот, но сега, како и секогаш, морам да размислувам за доброто на тимот. Разумот ми вели да го отстапам моето место на некој што може да ни помогне да имаме одлично Светско првенство. Благодарам за пораките за поддршка“, се огласи Бензема преку Инстаграм кога стана јасно дека ќе го пропушти турнирот поради повреда на квадрицепсот.
Шпанскиот портал Либертад тврди дека Бензема не си заминал доброволно од Катар, туку дека Дешам го избркал и дека напаѓачот е бесен на селекторот. Според нивните информации, по напуштањето на таборот на репрезентацијата, Бензема бил на само тридневна терапија кај клупските лекари во Мадрид, по што бил подготвен.
Нивната информација ја поткрепува и тоа што вчера, односно три дена пред финалето на СП, Бензема играше за Реал на тренинг-натпревар против Леганес. Неговата повреда се чини не е толку сериозна како што се мислеше, но ѕвездата на Реал Мадрид ќе остане без медал од најпрестижниот турнир. Според информациите на Либертад, тој нема да дојде во Катар да ги бодри своите сонародници од трибините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.