Спорт
Јунајтед со амбициозен план од 200 милиони фунти за Де Јонг и Белингем!
Според британскиот таблоид „Сан“, Манчестер јунајтед планираат гигантска понуда од над 200 милиони фунти за да ги осигураат потписите на Џуд Белингем и Френки де Јонг следното лето, во следниот чекор на планот на Ерик Тен Хаг за враќање на „ѓаволите“ на врвот на англискиот фудбал.
Претходно, „Манчестер ивнинг њуз“ потврди дека Јунајтед уште не се откажале од планот да го добијат Де Јонг од Барселона, иако во текот на минатото лето неуспешно дадоа понуди за Холанѓанецот, кој беше упорен да остане на „Ноу Камп“. Понудата од 85 милиони евра за Де Јонг беше прифатена од Барса, но одбивањето на де Јонг да се пресели во Англија, како и платите кои му ги должат од каталонскиот клуб се покажаа како преголема пречка.
Белингем, пак, е долгорочна цел на Јунајтед, кои неуспешно се обидоа да го убедат да потпише за нив во 2020 по неговата одлична сезона со англискиот второлигаш Бирмингем, кога тој реши да замине во Бундеслигата. За Белингем има повеќе заинтересирани клубови, вклучувајќи ги Ливерпул и Манчестер сити, како и Реал Мадрид. Според изворите на „Сан“, во Јунајтед не се загрижени за конкуренцијата за 19-годишниот Белингем и се сигурни дека можат да му понудат договор и главна улога во „препородувањето“ на клубот.
Man Utd 'open' to second transfer swoops for Frenkie de Jong and Jude Bellingham @ManUtdhttps://t.co/r9NqIJ2Ys3
— Irish Mirror Sport (@MirrorSportIE) December 18, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.