Свет
Конгресменот Адам Шиф: Верувам дека има „доволно докази“ за да се обвини Трамп
![](https://makfax.com.mk/wp-content/uploads/2022/12/4009_quotes-of-the-year_f.jpg)
Конгресменот од Калифорнија, Адам Шиф денеска изјави дека е уверен дека има „доволно докази“ за да се обвини поранешниот американски претседател Доналд Трамп за обид да ги поништи претседателските избори во 2020 година.
„Мислам дека има докази дека Трамп извршил злосторства во обидот да ги поништи изборите. Гледајќи го тоа како поранешен обвинител, мислам дека има доволно докази за да се покрене обвинение против поранешниот претседател“ – рече Шиф.
Запрашан од CNN дали тоа е доволно за да се осуди Трамп, Шиф рече:
„Не знам што има Министерството за правда, но знам што има во јавната евиденција. „Доказите ми изгледаат прилично јасни, но ако јас бев обвинител би сакал да го видам целосниот број докази за да донесам одлука дали да поднесам обвинение“.
Изјавата на Шиф доаѓа еден ден пред Комитетот за разузнавање на Претставничкиот дом, со кој тој претседава, да објави преглед на својот обемен извештај за нападот на Капитол на 6 јануари 2021 година, во кој загинаа девет лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.