Забава
„Таксират“ изгласан меѓу 10 најдобри фестивали во Европа
„Таксират“ е избран во најдобрите 10 фестивали во Европа како финалист во категоријата „Најдобар фестивал во затворен простор“ (Best Indoor festival) на најценетото признание во светот на музичките фестивали, Европските фестивалски награди.
Отвореното гласање за 12-тото издание на ЕФА (European Festival Awards) заврши со извонредна поддршка од светската публика, на кое со повеќе од 40.000 гласа од јавноста и гласот на стручното жири од музички експерти избрани се финалистите во главните категории, меѓу кои е и македонскиот „Таксират фестивал“, и тоа во најдобрите десет во конкуренција од 350 фестивали од 35 земји во Европа.
Победниците од секоја категорија ќе бидат прогласени в година на свеченото церемонијално доделување на Европските фестивалски награди на 18 јануари во Гронинген, Холандија, а финалистите во сите категории се објавени на овој линк.
Годинешното издание на „Таксират“ заврши со главната вечер на 7 декември. Имено, годинава повеќе од 27.000 посетители беа дел од програмата со повеќе од 50 концерти, меѓу кои „Дед кен Денс“, Ману Чао, Андре Риу, Бен Клок, „Ај-Ем-ДиДи-Би“, „Хладно пиво“, „Буч Кесиди“, „Содом“, „Ла Пегатина“ и многу други во рамките на главната вечер, ПИН и „Лузер фест“ на ТАКСИРАТ 2022.
Европските фестивалски награди, од своето формирање во 2009 година, се посветени на својата цел да ги препознаат и прослават колективните успеси на фестивалските организации во музичката индустрија на Стариот континент. Во 16 категории наградите го доделуваат најзначајното меѓународно признание за музичките фестивали и нивните истакнати индивидуи како за квалитетот така и за поместување на границите во поглед на професионалноста и посветеноста кон безбедност, општествена свесност, еколошка одржливост и иновативност при организирање музички фестивали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ѓорѓе Давид, Ивана Петерс и Бресквица направија незаборавен концерт за роденденот на Кисела Вода
По повод прославата на двата родендена, 69-тиот на Општина Кисела Вода и 30-тиот на култниот бенд Суперхикс, вечер од 19 часот во паркот во Расадник ќе се одржи забава со бројни гости на бендот како Дани Димитровска, Фолтин, Гоце Саф, Ја, Дека и Зека од Војводина, Битолски камерен оркестар, 21 век и многу други.
Синоќа, како што соопштија од Општината, на истата локација Ѓорѓе Давид, Ивана Петерс и Бресквица одржаа незаборавен концерт во рамки на Културното лето 2024 на Општина Кисела Вода. На третата фестивалска вечер на Културното Лето 2024, публиката уживаше во жанровски различни музички вкусови и со што се покажа дека и понатаму концертите и добрата забава остануваат да бидат заштитен знак на на Општина Кисела Вода.
Настанот започна со македонските изведувачи- Андријана Петрушевска, Омер Џаферовски, Славица Ангелова и Александар Јосифовски. Џорџе Давид и Ивана Петерс донесоа одличен рок звук и хитови кои публиката ги дочека со огромни аплаузи. На сцената имаше и одлични дуети со македонските изведувачи. По нив следеше популарната Бресквица, која во моментот е една од најбараните пејачки, посебно кај помладата генерација.
На настанот публиката ја поздравил градоначалникот на Општина Кисела Вода Орце Ѓорѓиевски кој им се заблагодарил и на присутните и на изведувачите за одличната забава во очи денешниот роденден на Општина Кисела Вода и потенцирал дека со ваква сплотеност и убава енергија се испишува новата историја на Кисела Вода.
„Среќа е кога сите сме на едно место и заеднички ја споделуваме. А вечерва, заедно со сите, како еден од вас покажавме колку сме горди на најубавата наша Кисела Вода. Ви благодарам на секој еден од вас – за сите стиснати раце, заедничките слики и прегратки за поддршка! Огромно благодарам на најзаслужните за оваа радост вечерва – Ѓорѓе Давид, Бресквица, нашата Андријана Петрушовска, неповторливата Ивана Петерс и сите ѕвезди кои вечерва ни го приредија ова. Знаете, испишуваме историја – Храброто срце на Скопје, Кисела Вода повторно живее! Продолжуваме утре, Суперхикс подготвуваат вистинско изненадување за сите вас! Се гледаме на најдобрата журка во Скопје, истакна градоначалникот Ѓорѓиевски по што следеше голем огномет“, стои во соопштението.
Забава
Дневен хороскоп: Биковите ќе покажат емоции, а јарците ги чекаат добри вести
Овен
Во текот на денешниот ден започнете повеќе деловни врски за да можете да ги завршите сите работи поврзани со работата. Љубовната ситуација е премногу напорна бидејќи очекувате премногу од партнерот. Здравјето е стабилно.
Бик
Месечината го активира вашето поле на комуникација и во текот на денот ќе бидете посветени на се што е поврзано со односите со пријателите. Личност под знакот Овен веќе неколку дена ви испраќа убави зборови и пофалби. Можно е да покажат некои емоции.
Близнаци
Самиот почеток на денот ќе биде под влијание на проблеми во куќата. Обидете се да ги решите работите што е можно поскоро бидејќи проблемот може да се зголеми во наредните денови. Проблем со грбот.
Рак
До крајот на денот поволни вести од личност под знакот Овен. Тоа е нешто за работата со кое не сте се занимавале досега. Обидете се да се посветите на се што сте планирале порано. Здравјето е одлично.
Лав
Венера во Лав ви дава чувство на стабилност и сигурност. Во следните неколку дена ќе бидете под силно влијание на личност под знакот на Водолија која ви дава чувство на стабилност. Деловната ситуација е многу комплицирана.
Девица
Тврдоглави сте кога се во прашање врските на работа. Љубовната ситуација е многу комплицирана поради вашата потреба да се посветите на се до крај. Тоа може да биде многу негативно искуство бидејќи другите можат да се вклучат.
Вага
Во следните неколку дена ќе бидете под силно влијание на личност под знакот Јарец. Ова е личност која ве инспирира во бизнисот, но може да биде и голема пречка. Добро размислете што зборувате и кои се вашите планови.
Шкорпија
Самиот почеток на денот е многу незгоден, бидејќи ќе бидете многу емотивно вознемирени. Тоа најмногу се однесува на вашите проблеми во љубовта кои веќе некое време не сте во можност да ги решите. Пазете се од настинки.
Стрелец
До крајот на овој ден ќе имате можност да изберете дали повеќе ќе се посветите на работата или на кариерата. Доколку сте посветени на кариерата, треба да направите многу добар план во следните неколку дена.
Јарец
До крајот на денот поволни вести од личност Овен која е многу влијателна во бизнисот. Од таа личност можете да добиете многу позитивни работи во однос на деловните активности.
Водолија
Ова е совршен ден да се посветите на семејните односи, особено кога се во прашање парите. Во следните неколку дена ќе доцните со вашите реакции во однос на партнерот и неговата нерасположение. Не е се до него.
Риби
Во следните неколку дена ќе бидете силно импресионирани од деловните активности кои веќе сте ги започнале. До крајот на неделата очекувајте многу нови работи поврзани со работната и деловната соработка со странство.
Забава
Илјадници гости и стотици шатори стигнаа на „Д Фестивал“ во Дојран – најавена богата музичка програма на првиот фестивалски ден
Денеска е првиот фестивалски ден од четиринаесетото издание на Д Фестивал.
Вчера во 17 часот на пладне беше отворен фестивалскиот камп за сите посетители чијшто број достигна до повеќе од неколку илјади со наредени повеќе од стотици шатори.
„Програмата и активности се веќе во тек, извежбавме утринска јога, Таи Чи Чуан, играме друштвени игри со ,,Гоблин‘‘, Д Базарот, беребрницата, Tattoo студиото и сите други Д Другари се веќе во акција! 72 часовната забава може да започне!“, велат организаторите на настанот.
Вечерва главната бина TOGETHER X ја отвораат најдобрата хрватска хип – хоп атракција – Elemental, потоа за прв пат на Д Фестивал ни доаѓа големата пејачка од Мали – Fatoumata Diawara, фаворитете на ланската Евровизија – Joker Out, а за крај техно ѕвездите Deborah De Luca i Sama’ Abdulhadi. Младиот македонски колектив – OVC Kolektiv со целовечерна журка на Lake Awake бината.