Контакт

Забава

10 најдобри албуми во 2022 година: Бијонсе, Стајлс и други

Објавено пред

На крајот на годината во која беа објавени неколку одлични албуми, госип изданието на „Њујорк тајмс“, „Пејџ сикс“, ги издвои десетте најдобри.

dobivaj vesti na viber

Меѓу нив има изведувачи како Бијонсе, Хари Стајлс, Лизо, Тејлор Свифт, а можеби и некои изненадувања.

Бијонсе го издаде својот прв албум по шест години, а по долго време можевме да ја слушнеме новата Тејлор Свифт. Нов албум издаде и Дрејк. Еве кои албуми ја одбележаа оваа година.

10. Дрејк, Honestly Nevermind
Дрејк повеќе не ја произведува истата музика што ја правеше пред 10 години. „Пејџ сикс“ пишува дека раперот ги отфрли своите хип-хоп корени и вметна раскошни клупски ритми со прекрасни звуци.

9. Wet Leg, Wet Leg
Иако се аутсајдери на доделувањето „Греми“ награди во јануари, ова дуо не треба да бидат отпишано. Дебито на дуото е микс на остри мелодии со дрски текстови.

8.Тејлор Свифт, Midnight
Новиот албум на Свифт, нејзин десетти, е нешто поразличен од другите. „Пејџ сикс“ пишува дека Свифт неверојатно документирала 13 непроспиени ноќи со автобиографски стихови за самопрезир во Anti-Hero, потоа за растењето во песната You’re On Your Own, Kid, потоа за сплетките за нова љубовна приказна во Mastermind. Истиот извор тврди дека Свифт, еден ден може да се најде во Куќата на славните на рокенролот благодарение на песните 1989 и Reputation.

7. Лизо, Special
Продуцентите Макс Мартин и Марк Ронсон ` обезбедија на Лизо загарантиран успех со новиот албум. Харизматичната пејачка и раперка продолжува да се држи до својот стил, давајќи хит по хит, како што се About Damn Time или нешто поотмената 2 Be Loved.

6. Зак Брајан, American Heartbrake
Мал број изведувачи можат да издадат троен албум како свое деби за голема издавачка куќа и да привлечат толку големо внимание. Зак Брајан го направи токму тоа со American Heartbreak, кој ги прикажува турбулентните пет години од животот на морнаричкиот ветеран, од загубата на неговата сакана мајка во She’s Alright, до трезнењето во Mine Again. Звукот носи малку фолк и кантри, но всушност има по нешто за секого и затоа, како што велат, е уметничко дело.

5. Розалија, Motomami
Ако има граница, Розалија ќе ја помести, пишува „Пејџ сикс“. Нејзината експериментална, брилијантно продуцирана песна Motomami е еден голем среден прст на музичките жанрови, спојувајќи сè, од фламенко до хип-хоп до регетон. Нејзините врвни соработници Д’ Викенд, Ла Фама, и Фарел Вилијамс се показател за нејзината големина и таа ќе биде многу популарна изведувачка во годините што доаѓаат.

4. Д’ 1975, Being Funny in a Foreign Language
Тоа што Мети Хили стана Тикток-сензација не треба да изненадува. Како што сведочат виралните видеозаписи од турнејата, фронтменот има шарм и е многу допадлив. Најновиот албум на бендот, Being Funny in a Foreign Language, е многу загонетна. Looking for Somebody раскажува разорна приказна за пукање во училиште, со еден од најинтересните рифови во 2022 година.

3. Бед Бани, Un Verano Sin Ti
Бед Бани имаше една цел кога размислуваше за својот четврти албум: да го направи најсреќен во својата кариера. Мисијата е остварена, тврди „Пејџ сикс“. Un Verano Sin Ti се чувствува како весел одмор низ Карипските острови, оддавајќи им почит на вештите локални музичари кои го претворија младото момче Порториканец во хит. Со летните химни како Tití Me Preguntó и Después de la Playa, не е ни чудо што Un Verano Sin Ti беше најстримуваниот албум на годината.

2. Хари Стајлс, Harry’s House

Хари Стајлс не може да не го сакаш поради овој албум. Фановите на One Direction знаат што може да направи Стајлс со својот глас, но овој албум го лансираше на друго ниво на суперѕвезда. As It Was помина неверојатни 15 недели на првото место, а песните како Late Night Talking и Satellite ова лето ги натераа луѓето од сите возрасти да му се восхитуваат на Стајлс.

1. Бијонсе, Renaissance

Со својот седми студиски албум, Бијонсе реши да остави музиката да зборува сама за себе. Нема видео, нема придружен филм, дури ни изведба. „Ренесанс“ е триумф на нејзината кариера, кохезивна прослава на хаус музиката како и афроамериканските и квир пионери кои со децении го одржуваат жанрот жив и здрав, пишува „Пејџ сикс“. Бијонсе станува провокативна во Plastic Off the Sofa, ги семплира танцовите легенди Робин С. и Дона Самер во Break My Soul и Summer Renaissance, и ја пренесува својата најдобра песна од Love on Top со Cuff It. Таа го заслужи правото да каже дека е број еден.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Од вечерва, Кино на отворено во Кисела Вода

Објавено пред

Од

И ова лето паркот „Македонија“ кај Домот на култура „Билјана Беличанец“ ќе се претвори во филмска сцена под отворено небо.

dobivaj vesti na viber

Од вечерва, 21 август, до 24 август, Општина Кисела Вода во соработка со „Киноверзум“ ДООЕЛ Свети Николе, „Кинотека на Македонија“ и Францускиот институт во Скопје ќе донесе богата програма за различни возрасти и вкусови – од анимирани и детски содржини, преку франкофонски и македонски остварувања, до наградувани документарни приказни.

Програма:

21.08.2025(четврток)

Вечер на ,,Киноверзум ”

20.00- Игран филм за деца,,Бунтовната принцеза( синхронизиран на македонски јазик)

21.30-Филм посветен на Марија Калас-,,Марија”

22.08.2025(петок)

Франкфонска вечер

20.00 Цртан филм,,Каламити”

21.30 Игран филм,,Повторно родена”

23.08.2025( сабота)

Македонска вечер

20.00- Блок краткометражни играни филмови за големи и мали деца

,,Ракетно моделарство”

,Баскет”

20.45-Македонски филм,,ДО БАЛЧАК”

24.08.2025( недела)

20.00- Анимиран филм за јунаците од светот на Биби „Златната пеперутка“

21.30- Македонски документарен филм „Медена земја“

Прикажи повеќе...

Забава

(Видео) Позната актерка му предложи брак на партнерот

Објавено пред

Од

Бела Торн предизвика мешани реакции на социјалните мрежи откако му предложи брак на својот партнер.

dobivaj vesti na viber

Актерката Бела Торн, која е позната по своите цврсти ставови, неодамна предизвика вистинска возбуда на мрежите.

Таа му предложи брак на својот партнер, филмскиот и телевизиски продуцент Марк Имс, само две години откако тој ја запроси.

 

View this post on Instagram

 

A post shared by BELLA (@bellathorne)

Таа објави фотографии и видео од настанот на Инстаграм со емотивен опис:

„Пред три години се запознавме, една година подоцна тој ми предложи брак, а сега, една година подоцна, и јас“, напиша таа.

Објавата предизвика бројни реакции, а Бела мораше да се огласи веќе следниот ден.

„Коментарите на мојата објава се смешни! Целосно поделени – половина од вас се расположени „нема да ги нормализираме жените што просат мажи“, додека другата половина се „да, женска моќ, ова е најслаткото“, рече Бела.

Прикажи повеќе...

Забава

На 49-годишна возраст се случува голема пресвртница во животот

Објавено пред

Од

Во овој период, луѓето најчесто чувствуваат пад на мотивацијата, незадоволство од себе или од насоката во која се движи нивниот живот.

dobivaj vesti na viber

Постои време во животот кога, без очигледна причина, сè изгледа потешко.

Не е младост, но не е ни старост – туку еден вид внатрешна бура. Токму оваа пресвртница, како што покажува едно големо истражување, често се случува околу 49-годишна возраст.

Според резултатите од студијата спроведена од економистот и професор Дејвид Бланчфлауер од Универзитетот Дартмут, анализирајќи ги податоците на повеќе од 14 милиони луѓе од 168 земји, оваа година беше означена како „дно на лажната животна среќа“.

Во овој период, луѓето најчесто чувствуваат пад на мотивацијата, незадоволство од себе или од насоката во која се движи нивниот живот. Овој феномен е познат како криза на средни години, но не е само прашање на животна фаза – туку и на начин на размислување.

Тоа е возраста кога многу прашања се спојуваат во едно: Дали ова е сè што сакав од животот?

Охрабрувачки е што, како што покажува истата студија, по оваа „долина“ на животно расположение, се случува пресврт. По 49-годишна возраст, среќата повторно почнува да се зголемува.

Со зрелоста доаѓа појасна слика за тоа што е навистина вредно: здравје, стабилност, внатрешен мир и блиски врски. Многу луѓе на оваа возраст престануваат да бркаат идеализирани слики за успех и конечно се прифаќаат себеси.

Наместо трка со времето, тие почнуваат да го ценат самиот факт дека сè уште имаат време.

Она што најчесто нè влече во незадоволство не се објективните околности, туку внатрешните притисоци и нереалните очекувања.

Вистинскиот пресврт често започнува кога престануваме да се мериме со другите и почнуваме да се прашуваме: Што ми носи радост лично – тука и сега?

Прифаќањето на сопствената возраст и негувањето на малите секојдневни радости често е најбрзиот пат до подлабоко чувство на исполнетост. Не станува збор само за годините – туку за начинот на кој ги живееме.

Прикажи повеќе...

Најново

Топ1 час

Истрага за тероризам: пријавил дека има бомба на летот Скопје – Анталија

Постапувајќи по кривичната пријава поднесена од МВР, обвинителството отвори истражна постапка против С.А. (26) поради основано сомневање дека сторил кривично...

Македонија3 часа

Во Македонија 18 пожари на отворено

Во текот на изминатото деноноќие, на ден 20/21.08 на територијата на Македонија имаше вкупно 18 пожари на отворен простор, од...

Свет3 часа

Венс: Европа мора да го понесе лавовскиот дел од товарот за безбедноста во Украина

Потпретседателот на САД, Џ. Д. Венс, изјави дека европските земји ќе мора да го понесат лавовскиот дел од товарот кога...

Свет3 часа

ОН: Бројот на неухранети деца во Газа се зголемил тројно од март

Само во градот Газа, речиси една третина од децата се неухранети, напиша Филип Лазарини, раководител на Агенцијата на ОН за...

Свет3 часа

Анализа: Путин дури и не сака да го изговори името на Зеленски; „Ќе се сретне со него под еден услов“

Презирот на претседателот Владимир Путин кон својот украински колега е толку длабок што речиси никогаш не го кажува неговот име....

Македонија16 часа

32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член...

Македонија17 часа

(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен

Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка...

Македонија18 часа

СДСМ Прилеп: Коруптивните бизнис зделки на функционерите на ДПМНЕ ги оставија прилепчани без полагања за возачка дозвола

„Поради нерегуларности во работењето, МВР го затвори Испитниот центар „Супер возач“, со што жителите на Прилеп и другите општини од...

Македонија19 часа

Итни и вонредни надзори во приватните болници по информациите дека се правеле непотребни операции за профит

Министерството за здравство најави итни и вонредни надзори во приватните болници по информациите што излегоа во јавноста дека се правеле...

Македонија21 час

Мицкоски: Треба да се истражи како минатите арбитражни постапки се губеле и се одлевале огромни суми од државниот буџет

Ова е втора арбитража што оваа Влада ја добива и очекуваме барем уште две во периодот што следува, вели претседателот...

Македонија21 час

За да нема одење на партиски митинзи со службени возила, Владата апелира сите институции што не го почитуваа рокот 18 август да поднесат пријави

Непослушните државни институции, кои до 18 август не ги пријавија службените возила, денес од Владата добија уште еден апел да...

Македонија22 часа

(Видео) Митева: Од 8 активни меѓународни арбитражи, оваа Влада успешно заврши 3 во полза на Македонија

Од осум активни меѓународни арбитражи оваа Влада успешно заврши три во полза на Македонија, соопшти портпаролката на Владата, Марија Митева....

Македонија23 часа

Царинaта спречи опасен шверц на илјадници лекови, против лице од Косово поднесена кривична пријава

Царинските службеници на граничниот премин Богородица открија и спречија обид за криумчарење на 4.577 парчиња небезбедни лекови, скриени во багажниот...

Свет23 часа

Трамп: Не грижете се, нема да има трета светска војна

Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин....

Македонија24 часа

Судир за српскиот капитал: „Влен“ и ДУИ меѓусебно се обвинуваат

ВЛЕН и ДУИ, двете водечки политички субјекти од албанскиот блок во Македонија, се препукуваат поради наводно продирање на српски капитал...

Македонија1 ден

Од шумскиот пат кон езерото се води жестока битка за да се спречи ширењето на пожарот кај Јасен

Пожарот кај Јасен и натаму се заканува, откако во текот на ноќта започнал да се шири од шумскиот пат пред...

Македонија1 ден

Антикорупциската брои службени возила пред изборите – институциите не ги пријавиле сите во рокот

Во регистарот на возилата на државните органи, органите на локалната самоуправа, јавните претпријатија и други правни лица со државен капитал...

Свет1 ден

Лавров: Ни Крим ни Донбас никогаш не бил наша цел

Рускиот министер за надворешни работи, Сергеј Лавров, тврди дека Русија никогаш немала намера да ги заземе украинските територии, туку, единствено,...

Свет1 ден

Што би значел пакт сличен на член 5 за Украина?

Безбедносните гаранции за Киев се клучно прашање во напорите да се прекинат борбите во текот на тековната руска инвазија врз...

Свет1 ден

Шефот на дипломатијата на Трамп ќе ја води работната група за безбедносни гаранции за Украина

Американскиот државен секретар Марко Рубио ќе ја води работната група која ќе изработи предлог за безбедносни гаранции за Украина, потврди...