Спорт
Хаос во Буенос Аирес – Двајца загинати и многу повредени во прославата на титулата
Прославата на светската титула низ улиците на Буенос Аирес, која Лионел Меси и соиграчите им ја донесоа на Аргентинците по пауза од 36 години, се претвори во вистински хаос.
Според проценките преку пет милиони луѓе излегле на улиците на аргентинската престолнина за да ги поздрават националните херои.
More than a million fans stormed the streets of Buenos Aires after Argentina won the World Cup 🥳 pic.twitter.com/2dt1Ko3WC2
— ESPN UK (@ESPNUK) December 20, 2022
Навивачите се качуваа на канделабрите, семафорите и покривите на автобуските станици каде славеа, скокаа и пееја. За жал, еден 24-годишник паднал низ стаклен покрив и набргу починал, а друг навивач починал откако знамето кое го имал околу вратот му се фатило во тркалото на моторот и го задушило.
Петгодишно момче е во кома откако на главата му паднаа остатоци од споменикот на кој навивачите се качуваа, илјадници навивачи беа полесно или тешко повредени, а хулигани крадеа полициски возила и со нив се движеа низ градот.
Argentina’s World Cup parade has been cut short after celebrations became chaotic and fans started jumping on the open-top bus from the overpass. The players instead flew over Buenos Aires in a helicopter following guidance from security forces.
— Ben Jacobs (@JacobsBen) December 20, 2022
Ситуацијата беше на работ да излезе од контрола во моментот кога автобусот со играчите повеќе не можеше да се движи напред или назад низ огромната толпа луѓе. Додека автобусот минувал под надвозникот, многу навивачи се обиделе да скокнат во него, а дел од нив паднале и биле тешко повредени.
Buenos Aires bajo invasion zombie 🧟♂️ 🇦🇷#campeonesdelmundo #lascaloneta #zombie pic.twitter.com/7SLImxfUbQ
— Seba Chuffer (@sebadelfuturo) December 20, 2022
После тоа, полицијата успеала да го одвои автобусот од толпата и да го однесе на безбедно, од каде играчите биле префрлени во два хеликоптери. Тие неколку пати го прелетаа центарот на градот, а потоа се упатија кон претседателската палата на официјален прием.
Како што одминуваше денот, а потоа и ноќта, улиците стануваа сè понемирни. Силни полициски сили се пресметаа со хулиганите, употребени се и гумени куршуми, а конечниот број на повредени и уапсени се уште не е познат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.