Свет
Трамп плати „нула долари данок“ во последната година на функцијата

Во последната година на функцијата, Доналд Трамп не плати ниту еден долар федерални даноци, додека за време на неговиот четиригодишен мандат плати вкупно 1,1 милион долари данок на државата.
Овие податоци станаа достапни за јавноста кога Конгресот одлучи да ги објави и покрај противењето на поранешниот претседател.
И покрај тоа што е милијардер, Трамп пријавил загуби само во 2020 година, па платил „нула долари данок“.
И во првата година на власт (2017 годона) плати само 750 долари. Меѓутоа, во 2018 и 2019 година пријавил приход и плаќал даноци, пренесува CNN.
Парите на Трамп доаѓаат од „Trump Organization“, компанија која се занимава со бизниси кои се движат од недвижен имот до модни брендови до управување со хотели. Трамп отворено се пофали дека користи дупки во законот и дека законски и плаќа најмала можна казна на државата.
Сепак, тој одби да открие колку данок плаќа иако е политичка практика претседателите да ги објавуваат даночните пријави.
Политичките противници на поранешниот шеф на Белата куќа изјавија дека Трамп не сакал да ја објави даночната пријава за јавноста да не дознае за загубите во неговата компанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шефот на НАТО: Толку сме посилни од Русија што не мора да ги соборуваме нивните авиони и беспилотни летала

Генералниот секретар на НАТО, Марк Руте, вчера изјави дека алијансата нема да ги соборува руските авиони и беспилотни летала што повремено влегуваат во воздушниот простор на земјите членки ако не претставуваат директна закана. Тој нагласи дека НАТО ги има сите потребни овластувања да дејствува, но и дека не сака непотребно да поттикнува ескалација.
„Ако авионот претставува закана, имаме овластување да преземеме, доколку е потребно, екстремни мерки. Но, ако не претставува закана, нема да го собориме, само нежно ќе го испратиме надвор од нашиот воздушен простор“, рече Руте.
„Ние сме многу посилни од Русите. Не мора да ги соборуваме нивните авиони само затоа што влегле во нашиот воздушен простор. Да бевме слаби, можеби ќе требаше да покажеме сила. Но, бидејќи сме многу посилни, нашиот пропорционален одговор е, всушност, демонстрација на сила“, додаде генералниот секретар на НАТО.
Руте нагласи дека алијансата сè уште испраќа јасна порака до Москва дека ваквите упади се неприфатливи и дека секоја закана за териториите на членките ќе има последици.
Фото: ЕПА
Свет
Трамп: Орбан е фантастичен, знам дека многу луѓе не се согласуваат, но јас сум единствениот што е важен

Унгарскиот премиер Виктор Орбан е фантастичен лидер, изјави вчера американскиот претседател Доналд Трамп на прес-конференција во египетското одморалиште Шарм ел-Шеик.
Во видео објавено на фејсбук-страницата на премиерот Трамп го фали Орбан.
„Тука ја имаме Унгарија. Виктор! Го сакаме Виктор. Ти си фантастичен. Знам дека многу луѓе не се согласуваат со мене, но јас сум единствениот што е важен“, рече Трамп.
На покана на Трамп, Орбан присуствуваше на потпишувањето на договорот за крај на војната во Газа вчера во Египет. Трамп додаде дека го поддржал Орбан на последните избори и дека „тој победил со 28-процентни поени“.
„Затоа следниот пат ќе се покажете уште подобро. Сто проценти стоиме зад вас“, му рече тој. Орбан одговори во своето соопштение. „Ви благодарам, господине претседателе! Продолжуваме по патот на мирот!“, рече тој.
Свет
(Видео) Трамп: Го испратив Виткоф кај Путин, тој немаше поим ниту за Русија ниту за Путин

Претседателот на САД, Доналд Трамп, откри детали за необична средба со рускиот претседател Владимир Путин во говорот пред израелскиот парламент синоќа, во која, како што рече, неговиот специјален пратеник Стив Виткоф одиграл важна улога.
„Го испратив Виткоф да се сретне со Путин мислејќи дека ќе биде средба од 15 до 20 минути. Виткоф немаше поим ниту за Русија ниту за Путин. Тој не знаеше многу за политиката“, рече Трамп предизвикувајќи смеа кај израелските пратеници во парламентот.
Trump: “I sent Witkoff to meet with Putin thinking it would be 15-20 minute meeting.
Witkoff had no idea about Russia or Putin. He did not know much about politics.”WHO THE HELL SENDS A NOVICE TO NEGOTIATE THE BIGGEST WAR IN EUROPE SINCE WW2?! pic.twitter.com/xFlQGxfvxi
— Kate from Kharkiv (@BohuslavskaKate) October 13, 2025
Трамп откри дека состанокот траел пет часа и дека многу се изненадил поради тоа.
Виткоф беше бизнисмен и адвокат пред Трамп да го назначи за специјален пратеник за Блискиот Исток и мировните операции оваа година и тој постојано се среќаваше со Путин и со руски претставници како дел од преговорите за војната во Украина.