Спорт
Блатер го критикува Инфантино: ФИФА не треба да се меша во клупскиот фудбал
Претераната комерцијализација на фудбалот му пречи на поранешниот претседател на ФИФА, Сеп Блатер, Не е задоволен што се зголеми бројката на учесници на следниот Мундијал. На СП во 2026 година ќе учествуваат 48 репрезентации.
Блатер во интервју за германскиот неделник Цајт ги критикуваше и плановите на актуелниот прв човек на ФИФА, Џани Инфантино за промена на форматот на следното Светско првенство и Светското клупско првенство.
„Има обиди да се исцеди се повеќе од лимонот, на пример Светското првенство со 48 екипи или сега Светското клупско првенство, кое мора да се гледа како директна конкуренција на Лигата на шампионите“, рече Блатер.
„ФИФА тука се меша во нешто што навистина не ја засега, а тоа е клупскиот фудбал“, додаде Блатер.
Светското првенство во 2026 година ќе се одржи во САД, Мексико и Канада, а на него за првпат ќе учествуваат 48 репрезентации.
Агенцијата АП потсетува дека на овој начин ќе се исполни предизборното ветување на Инфантино за поголемо и поопфатно СП, во кое ќе учествуваат и други тимови кои не се од Европа и Јужна Америка. На неодамнешното СП во Катар учествуваа 32 репрезентации.
Минатата недела Инфантино најави промена на форматот на Светското клупско првенство кое започнува во 2025 година, а во кое треба да учествуваат 32 клуба.
Блатер се повлече од функцијата во јуни 2015 година поради корупциски скандали во ФИФА. Тој нагласи дека „нема врска со Инфантино“.
Инфантино со мене комуницира само преку адвокат“, изјави Блатер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.