Свет
Мал пожар изби на руски носач на авиони, екипажот евакуиран
На командниот брод на руската морнарица, „Адмирал Кузнетсов“ избувна пожар, јавуваат руските медиуми.
Станува збор за единствениот руски носач на авиони, а пожарот избувнал додека бил закотвен во бродоградилиштето Звјоздочка во Мурманск, на Баренцовото Море, објави агенцијата „ТАСС“.
Извор од итната служба денеска за ТАСС изјави дека 20 лица се евакуирани и дека пожарот е изгаснат и нема жртви.
Шефот на Обединетата бродоградба корпорација, која ја надгледува реставрацијата на бродот, Алексеј Рахманов, за РИА Новости изјави дека инцидентот се случил за време на поправка на бродот.
„Адмирал Кузнетсов“ е надвор од служба и на пристаниште за поправки од 2018 година. Бродот тежи 43.000 тони, има екипаж од 1.300 лица и е вооружен со противбродски и противвоздушни ракетни системи. Во ноември 2022 година, руските власти рекоа дека поправките одат според планот и дека бродот ќе биде готов до првиот квартал на 2024 година.
Во ноември, Рахманов им изјави на новинарите во Москва дека се откриени дефекти на одделни делови од бродот, но „работата се одвива според планот“. Се очекува реновирањето да му даде на бродот нов борбен потенцијал и да го продолжи неговиот животен век за дополнителни 10 до 15 години, објави „Навал Њус“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

