Македонија
Потребен е ветинг за сите политичари, судии и обвинители, му рече Ахмети на амбасадорот на Чешка
Претседателот на Демократската унија за интеграција, Али Ахмети, оствари средба со амбасадорот на Република Чешка во земјата, Јарослав Лудва.
Од прес-центарот на ДУИ соопштија дека Ахмети и Лудва разговарале за конструктивната меѓудржавна соработка, актуелната политичка состојба во земјата, напредокот што Северна Македонија го постигна во процесот на евроинтеграцијата, важноста на компактноста во делувањето на политичкиот фактор во земјата за усвојување на уставните измени, спроведувањето на неопходниот процес на реформи и борбата против криминалот и корупцијата.
Првиот човек на ДУИ, Али Ахмети, во оваа прилика и се заблагодари на Република Чешка што секогаш била во поддршка за европската перспектива на земјата и побара континуитет на ваквиот став во одлучувачките процеси што следат.
Тој, меѓу другото, истакна дека Демократската унија за интеграција со селокупниот свој кадровски и програмски потенцијал останува посветена во одржувањето на проевропската конзистентност на дејствување, на усвојувањето на уставните измени кои го зајакнуваат внатрешниот демократски консензус и за натамошно зајакнување на односите на добрососедство.
Проевропското мнозинство во земјата е подготвено да ги примени сите потребни механизми за спроведување на процесот на реформите во согласност со интеграциската рамка и зајакнување на борбата против криминалот и корупцијата.
Ахмети на амбасадорот Лудва му го изразил ставот на Демократската унија за интеграција за спроведување на сеопфатен процес на ветинг за сите поранешни, сегашни и идни политичари, судии и обвинители, како единствен процес на објективно филтрирање и одржување на кредибилитетот на институциите.
Амбасадорот Лудва го изрази ставот на Република Чешка за продолжување на поддршката на земјата до целосно финализирање на аспирацијата на нашата земја за интеграција во Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски општини без струја
Регионалниот центар за управување со кризи на Град Скопје, по добиеното известување од ЕВН, ги известува граѓаните дека поради технички зафати во електро дистрибутивната мрежа без електрична енергија ќе останат:
· од 08:00 – 14:00 часот, корисниците од дел од с. Студеничани. (Општина Студеничани)
· од 09:00 – 14:00 часот, корисниците од дел од улиците: Ринхини и Езерци во нас. Влае. (Општина Карпош)
· од 10:00 – 12:00 часот, корисниците од ул. Пелистерска бр. 2, во нас. Карпош 3. (Општина Карпош)
· од 13:00 – 14:30 часот, корисниците од дел од ул. Миле Поп Јорданов, (објектите во околината на Градинката Пролет). (Општина Карпош)
Македонија
Сончево и топло време преку ден, попладне краткотројно невреме
Времето денес ќе биде сончево и топло со мала до умерена облачност.
Попладне ќе има локален развој на нестабилна облачност со пороен дожд и грмежи, наместа со услови за појава на краткотрајно невреме. Ќе дува умерен до засилен ветер од југоисточен правец најизразен долж Повардарието. Минималната температура ќе биде во интервал од 10 до 16, а максималната ќе достигне од 23 до 27 степени, јавува УХМР.
Во Скопје променливо облачно со повремен дожд. Попладне во делови од котлината ќе биде нестабилно со краткотраен пороен дожд и услови за појава на грмежи. Ќе дува умерен ветер од југоисточен правец. Минималната температура ќе се спушти до 16, а максималната ќе достигне до 26 степени.
До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.