Свет
Јужните делови на Австралија под топлотен бран
Јужна Австралија е на врвот на годинешниот прв топлотен бран, а во тој дел од земјата во сила се предупредувања за екстремни температури, пишува „Гардијан“.
Во Аделаида температурата во текот на ноќта била 27,4 Целзиусови степени, а државата Викторија ја имала најтоплата ноќ во последните четири години, пишува британскиот весник.
Утрото во Аделаида донесе температури од 38 степени, а предупредувања за топлотен бран беа издадени во Јужна Австралија, Викторија, Тасманија, Нов Јужен Велс и во изолирани делови од Западна Австралија.
Температурите се очекуваат од 8 до 16 степени над просекот.
Додека во текот на денот се очекуваат температури меѓу 37 и 41 °C на северот и на западот на Мелбурн и Викторија, в среда се прогнозира и промена на времето, што ќе донесе дожд со налети на ветер до 90 километри на час.
Силниот ветер и силните грмотевици може да претставуваат опасност за локалните жители, според локалната метеоролошка служба, според „Гардијан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.
Свет
Небензја: Безобразна е одлуката на Израел да го прогласи Гутереш за персона нон грата
Израелското прогласување на генералниот секретар на ОН Антонио Гутереш за персона нон грата е безобразна одлука и шлаканица за Светската организација, изјави денеска постојаниот претставник на Русија во ОН, Василиј Небензја.
„Денешната вест за прогласувањето на генералниот секретар на ОН за персона нон грата е безобразна и крајно груба одлука. Ова е шлаканица не само за ОН, туку и за сите нас, Советот и членки на ОН “, изјави Небензја, пренесе РИА Новости.
За време на состанокот на Советот за безбедност на ОН тој ги повика членките на Советот и членките на ОН да одговорат на овој „безобразен чекор“.
Небензја посочи дека Советот за безбедност на ОН ги има потребните алатки за решавање на овие проблеми и ги повика сите да реагираат што е можно поскоро.
Претходно денеска израелското Министерство за надворешни работи го прогласи Гутереш за персона нон грата и му забрани влез во земјата.
Израелскиот министер за надворешни работи, Израел Кац, изјави дека на Гутереш му е забранет влезот во земјата затоа што „недвосмислено“ не го осудува иранскиот ракетен напад врз Израел.
„Секој кој не може недвосмислено да го осуди грозоморниот напад на Иран врз Израел, како што тоа го направи речиси секоја земја во светот, не заслужува да стапне на израелска почва“, рече Кац.
Свет
Советот на Европа усвои резолуција: Асанж беше политички затвореник
Парламентарното собрание на Советот на Европа денеска усвои резолуција со која се признава дека основачот на Викиликс, Џулијан Асанж, е политички затвореник во Велика Британија.
За резолуцијата во ПС СЕ, која ја сочинуваат пратеници од 46 земји-членки на Советот на Европа, гласаа 88 пратеници, против беа 13, а воздржани 20, објави Викиликс на Икс.
Во нацрт-резолуцијата насловена како „Притворот и осудувањето на Џулијан Асанж и нивното застрашувачко влијание врз човековите права“, која претходно беше објавена на веб-страницата на PS SE, се укажува на важноста на слободата на печатот и се наведува дека „суровиот третман на Џулијан Асанж, кој неодамна беше ослободен од притвор по повеќе од една деценија политички мотивирано кривично гонење за неговата новинарска работа“ заслужува посебно внимание, пренесуваат агенциите.