Спорт
Моријасу го продолжи договорот со ЈФА
Јапонскиот селектор Хајиме Моријасу го продолжи договорот до Светското првенство во 2026 година, соопшти Јапонската фудбалска асоцијација (ЈФА). Така Моријасу стана првиот селектор на Јапонија во историјата кој го задржал своето место по Светското првенство.
„Тоа е работа што ме исполнува. Тоа е работа што ми дава можност да се натпреварувам на меѓународна сцена, горд што сум Јапонец. Затоа ја прифатив понудата на ЈФА“, изјави 54.годишниот Моријасу.
Поранешниот јапонски репрезентативец (1992-1996) ја презеде селекторската функција по Светското првенство во Русија во 2018 година, каде што беше помошник тренер.
Во Катар „сините самураи“ не успеаја да ја остварат целта, а тоа беше да се пласираат во четвртфиналето до кое Јапонија никогаш во историјата не стигнала.
Сепак, селекцијата на Јапонија направи чудо во групата, со ист резултат 2:1 ги победи Германија и Шпанија. Јапонија групната фаза ја заврши на првото место, а во осминафиналето загуби од Хрватска по изведувањето пенали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рома на Азурниот Брег најде спортски директор
Французинот Флорен Гизолфи ќе стане нов спортски директор на фудбалскиот клуб Рома.
Оваа вест ја потврди и претседателот на Ница каде до крајот на сезоната ќе работи на истата позиција.
„Флорен Гизолфи нè напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да си замине и ние прифативме“, изјави Жан-Пјер Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да го откупи неговиот договор од Ница.
Местото спортски директор на Рома е испразнето откако Тиаго Пинто поднесе оставка на крајот од јануарскиот преоден рок.
Спорт
Алегри прифатил понуда од Саудиска Арабија
Масимилијано Алгери доби отказ во Јувентус по 48 часа откако го освои Купот на Италија. Алегри имаше свое шоу крај аут-линијата во финалето против Аталанта и токму неговото недолчно однесување ги натера клупските челници да му врачат отказ.
Јувентус разаочара сезонава и покрај тоа што избори место во Лигата на шампионите и го освои Купот.
Алегри во петокот доби отказ, а дел од италијанските медуми во понеделникот објавија дека тој веќе добил понуда за работа.
Понудата била испратена од Саудиска Арабија, не се наведува за кој клуб станува збор, но како што пишуваат медиумите Алегри решил да ја прифати само поради изворедните финансиски услови што му биле понудени.
Спорт
Златко Далиќ го објави списокот на Хрватска за ЕУРО 2024
Селекторот на Хрватска, Златко Далиќ го објави спискот со играчи кои ќе настапа на Европсото првенство во Германија.
Хрватска на континеталниот шампионат е во групата Б со селекциите на Шпанија, Италија и Албанија.
Првиот меч на ЕП, Хрватска ќе го одигра на 15 јуни од 18 часот против Шпанија, а натпреварот ќе се игра во Берлин на Олимпискиот стадион.
Во второто коло, на 19 јуни, Хрватска ќе игра против Албанија во Хамбург на „Фолкспарксштадион“.
Избраниците на Златко Далиќ групната фаза ќе ја завршат на 24 јуни на дуелот против Италија. Тој натпревар се игра од 21 часот во Лајпциг на „Ред Бул“ арена.
Во осминафиналето ќе се пласираат двете првопласирани репрезентации од секоја група, а ќе им се придружат четирите најдобри третопласирани репрезентации од шесте групи.
Европското првенство во Германија се игра од 14 јуни до 14 јули.
Спикото на Хрватска за ЕУРО 2024:
Голмани: Доминик Ливаковиќ (Фенербахче), Ивица Ивушиќ (Пафос), Недиљко Лабровиќ (Риека)
Одбрана: Јосип Јурановиќ (Унион Берлин), Јосип Станишиќ (Баер Леверкузен), Мартин Ерлиќ (Сасуоло), Јосип Шутало (Ајакс), Домагој Вида (АЕК), Марин Понграчиќ (Лече), Јошко Гвардиол (Манчестер Сити), Борна Соса (Ајакс)
Среден ред: Лука Модриќ (Реал Мадрид), Марсело Брозовиќ (Ал Наср), Матео Ковачиќ (Манчестер Сити), Ловро Мајер (Волфсбург), Марио Пашалиќ (Аталанта), Лука Иванушец (Феенорд), Мартин Батурина (Динамо), Лука Сучиќ ( Салцбург), Никола Влашиќ (Торино)
Напад: Анте Будимир (Осасуна), Андреј Крамариќ (Хофенхајм), Бруно Петковиќ (Динамо), Иван Перишиќ (Хајдук), Марко Пјаца (Риека), Марко Пашалиќ (Риека).