Македонија
Претпријатие за производство на струја, градинка и паркинг, Општина Центар го донесе Буџетот за 2023 година

Општина Центар на денешната седница на Советот со 17 гласа „ЗА“ и 1 „воздржан“ го донесе Буџетот за 2023 година кој изнесува 740.132.000,00 денари.
Во Буџетот за 2023 година се планираат нови паркови, паркинзи, отворање на народна кујна, доградба на започнатата градинка „Пролет“, изградба на катна гаража во Капиштец, поставување урбана опрена, инфраструктурни зафати на улиците и други проекти.
Меѓу проектите за енергетска ефикасност чија вредност е проектирана на 15.060.000,00 денари и со кои се планираат реконструкции на фасади и субвенции за замена на покриви и поправка на лифтови во станбени згради предвидени се и субвенции за ново претпријатие за производство на електрична енергија.
Во образованието предвидени се инвестиции во висина од 18.985.000,00 денари, за детските градинки 5.730.000,00 денари, за заштита на животната средина 4.800.000,00 денари, за паркови и зеленило се издвоени 5.000.000,00 денари и исто толку се планира за поставување урбана опрема како клупи, канти за отпадоци, столбчиња, држачи за велосипеди, жардињери и сл.
За Урбанистичкото планирање издвоени се 17.100.000,00 денари, а за капитални расходи за уредување на градежно земјиште и инфраструктурни приклучоци 11.700.000,00 денари.
Исто така во Буџетот за 2023 година се планираат и средства за започнување со реализација на отворање на народна кујна и од социјалните проекти планирани се средства за еднократна парична помош за социјално загрозени лица во износ од 2.500.000,00 денари, како и за трансфери на здруженија на граѓани во износ од 2.000.000,00 денари. За проекти за родова еднаквост исто така се издвоени 100.000,00 денари.
За еднократна парична помош за новороденчиња на родители коишто се жители на Општина Центар – Скопје, во Буџетот за 2023 година се планираат средства во износ од 2.500.000,00 денари.
Во програмата за изградба на локални улици и патишта се издвојуваат 9.000.000,00 денари за реконструкција на улици, тротоари и инфраструктура.
За културни манифестации и творештво 4.370.000,00 денари, за спорт и рекреација 15.510.000,00 денари. 13.000.000 денари од општинскиот Буџет за наредната година одат за најтрофејниот кошаркарски колектив „Работнички”. Со новите спонзори, МТЕЛ и Видеолотарија Касинос Австрија, Општина Центар обезбедува добра подлога за нови успеси на нашите кошаркари.
Меѓу останатите денешни точки на дневен ред изгласан беше и предлогот од Буџетот на Општина Центар да се одделат 2.000.000 денари за ЈП „Лајка“. Во интерес на граѓаните, овие средства се одвојувате со цел зачувување и обезбедување на бездомните кучиња. Притоа советниците беа согласни дека доколку на дело се покажат вистински резултати во работењето на претпријатието и менаџирањето на проблемот со бездомните кучиња, постои подготвеност за одвојување и повеќе буџетски средства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.