Свет
(Видео) Меси „заробен“ во својот автомобил од неговите симпатизери
Не стивнува еуфоријата во Аргентина по освоената титула, светски првак на Мундијалот во Катар.
Лионел Меси се уште е во својата татковина, но се чини дека ќе биде принуден што поскоро да ја напушти, пишуваат медиумите во регионот.
На социјалните мрежи кружи видео од Меси кој се обидува да се пробие со автомобилот низ толпа од симпатизери во неговиот роден град.
El que anda tranquilo por Rosario es Lionel Messi 😅
NUESTRO CAMPEÓN DEL MUNDO 😍🇦🇷🏆 pic.twitter.com/jJuC2ToeZ1
— TNT Sports Argentina (@TNTSportsAR) December 28, 2022
Имено, Меси доби одмор од својот клуб до крајот на 2022 година, кој тој сака да го помине со семејството во неговиот роден град, но медиумите пренесуваат дека тој нема мир.
Тргнал со својот автомобил, но не можел да оди многу подалеку поради напливот на сонародници кои сакале да му оддадат почит за се што направи за Аргентина.
Сопругата Антонела му покажува да сврти лево, но се чини дека Меси сфаќа дека и на тој начин не може да ја заобиколи толпата.
Инаку Аргентина ја совлада Франција по изведувањето пенали и со тоа стигна до третата светска шампионска титула во историјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.
Свет
Затворениците кои држеа затворски чувари како заложници во градот Ростов се убиени
Руските безбедносни сили влегоа во притворниот центар на југот на Русија и ликвидираа шест затвореници кои ги држеа двајцата затворски чувари како заложници, објавија руските медиуми, пренесе Бета.
Шест затвореници кои земаа двајца чувари како заложници во притворниот центар во градот Ростов на Дон се „ликвидирани“, објавија руските медиуми.
„Заложниците во притворот во Ростов на Дон се неповредени“, соопшти Федералната затворска служба на Русија.
Претходно беше објавено дека шестмината затвореници имале гумени палки, ножеви и секири, а меѓу нив има и обвинети за врски со групата Исламска држава.
Свет
Затворениците вооружени со ножеви во руската област Ростов зеле двајца полицајци како заложници
Обвинети во истражниот центар во руската област Ростов зеле двајца полицајци како заложници, соопштија денеска руските власти, цитирани од британските медиуми.
„Група затвореници од истражниот затвор во Ростовската област, кои го зедоа затворскиот персонал како заложници, бараат да им се обезбеди автомобил и слободно да си заминат“, изјавија руските служби за итни случаи.
Група од шестмина затвореници кои зеле двајца вработени како заложници во затворот, бараат да им се обезбеди автомобил и бесплатен излез од истражниот затвор.
Тие тврдат дека се членови на терористичката организација Исламска држава, која е забранета во Руската Федерација. Затворениците се вооружени со ножеви и остри предмети.
Руските медиуми, повикувајќи се на упатен извор, наведуваат дека оперативен офицер и надзорник во истражниот затвор во Ростовскаја биле земени како заложници, а затворениците кои ги заробиле се товарат за тероризам.
Агенцијата наведува дека преговорите за ослободување на заложниците се во тек и дека на лице место се шефот на регионалниот штаб на Федералната поправна служба и претставници на органите на прогонот и обвинителството