Свет
Болеста од која почина Пеле е најтешка за откривање, почнува без симптоми
Легендарниот бразилски фудбалер Пеле почина на 83-годишна возраст по долга борба со ракот на дебелото црево, еден од најсмртоносните видови на рак.
Пеле трипати беше светски првак со бразилската репрезентација, што на ниту еден играч не му успеало, а генерално важи за еден од најголемите фудбалери.
За жал, тој не успеа да го победи ракот, па токму затоа неговата смрт не потсетува на важноста од рано откривање на оваа малигна болест, бидејќи може да спаси живот.
Станува збор за вид на рак кој започнува во дебелото црево, односно последниот дел од дигестивниот тракт.
Оваа малигна болест често нема симптоми, а ако некој ги има, можеби не е сигурен дали промените во телото се знак за рак.
Овие може да бидат предупредувачки знаци за рак на дебелото црево:
Крв во столицата
Проблеми со столицата
Стомачна болка
Надуеност
Необјаснето губење на тежината
Повраќање
Анемија
Ова се фактори на ризик за рак на дебелото црево:
Пушењето
Прекумерно консумирање алкохол
Дебелината
Многу црвено и преработено месо
Недостаток на физичка активност
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.