Европа
Оланд: Меркел беше во право, Киев го зајакна воениот потенцијал благодарение на договорите од Минск
„Договорите на Минск беа обид да се купи време за Киев да ја зајакне армијата“. Ова меѓудругото го изјави во интервју за „Киев Индипендент“ поранешниот француски претседател Франсоа Оланд, кој беше на функцијата од 2012 до 2017 година.
„Ангела Меркел беше во право. Од 2014 година Украина го зајакнува својот воен потенцијал. Навистина, украинската армија е сосема поинаква отколку во 2014 година. Таа стана подобро опремена и обучена. Киев доби таква можност благодарение на договорите од Минск“ – рече тој.
Оланд истакна дека геополитичката ситуација по 2014 година не и одговара на Украина, а на Западот му е потребен одмор.
Тој е еден од потписниците на Минските договори, заедно со поранешната германска канцеларка Меркел, тогашниот украински претседател Петро Порошенко и сегашниот руски лидер Владимир Путин.
Поранешната германска канцеларка Ангела Меркел на почетокот на декември во интервју за изданието „Cajt“ откри која била целта на договорите од Минск. Според неа, договорите од Минск од 2014 година биле обид да се добие време за Украина.
Рускиот претседател Владимир Путин изјави дека изјавата на Меркел е неочекувана за него. Рускиот лидер нагласи дека секогаш претпоставувал дека германските власти се искрени во односот кон Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.