Спорт
Дончиќ повторно со над 50 поени, Далас едвај во тексашкото дерби
Словенечката НБА суперѕвезда ја комплетираше низата од историски пет натпревари со 51 поен, за Далас маверикс да стигнат до драматична 126:125 победа над Сан Антонио спарс.
Дончиќ имаше два скока и две слободни фрлања во последните 4.5 секунди од мечот, да помогне Далас да стигне до победата, и третпат во последните пет меча имаше над 50 поени, вклучувајќи ги 60-те поени, 21 скок и 10 асистенции во четвртокот наавечер во побдата над Њујорк никс. Тој е првиот кошаркар во НБА историјата со 250 поени, 50 скока и 10 асистенции во серија од пет меча.
„Ова е неверојатно! Седум години сум во лигата и никогаш не сум видел некој да го прави тоа што го прави тој. Игра како МВП. Кој би се спротиставил да кажеме дека е најдобриот играч во лигата?“, вели центарот на Маверикс, Кристијан Вуд.
Маверикс водеа со 17 поени предност, но на крајот мораа да се потрудат за победата. Спарси се вратија со 11:3 серија во последната четвртина и дојдоа на два поени разлика. Најдобрата шанса за продолженија имаше Тре Џонс, кој при 126:124 имаше две слободни фрлања, но искористи само едно. Дончиќ ја дофати топката, за на 1.1 секунда пред крајот да биде фаулиран. Првото слободно фрлање го промаши, а потоа намерно и второто за топката да му се врати во раце и мечот да заврши.
НБА РЕЗУЛТАТИ
Индијана – ЛА клиперс 131:130
Шарлот – Бруклин 106:123
Чикаго – Кливленд 102:103
Хјустон – Њујорк 88:108
Сан Антонио – Далас 125:126
Мемфис – Њу Орлеанс 116:101
Минесота – Детроит 104:116
Оклахома Сити – Филаделфија 96:115
Јута – Мајами 123:126
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тотенхем убедлив против Манчестер јунајтед на „Олд Трафорд“
Тотенехем убедливо го победи Манчестер јунајтед со 3:0 во претпоследниот натпревар од шестото коло во Премиер лигата. На „Олд Трафорд“, Тотенхем славеше со головите на Џонсон во првото и Кулушевски и Соланке во второто полувреме. Манчестер јунајтед од 42.минута играше со фудбалер помалку, директен црвен картон поради старт врз Медисон доби капитенот Бруно Фернандеш. Тотенхем по шест кола има десет, а Јунајтед седум бода.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.
Спорт
(Видео) Погачар ја освои светската титула
Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.
Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.
Погачар оваа сезона собра вкупно 589 поени, што ја прави најдобра во историјата на велосипедизмот.
Досега најдобрите сезони, дури шест во периодот од 1969 до 1974 година, ги извезе Белгиецот Мерчк.
📊🇸🇮Pogačar 2024 is the best season in male pro-cycling ever according to @prestigelisten.
589 | 🇸🇮Pogačar’24*
585 | 🇧🇪Merckx’72
576 | 🇧🇪Merckx’73
548 | 🇧🇪Merckx’70
540 | 🇧🇪Merckx’71
511 | 🇧🇪Merckx’69
507 | 🇧🇪Merckx’74
440 | 🇮🇹Coppi’49
384 | 🇮🇪Roche’87— Cycling Statistics 📊 (@StatsOnCycling) September 29, 2024
Исто така, оваа година Погачар беше најбрз на престижните трки Лиеж-Бастоњ-Лиеж, Волта Каталуња и Страда Бјанка.
Словенецот славеше во Цирих со време од 6:27.30, што е за 34 секунди побрзо од второпласираниот Австралиец Бен О’Конор и бронзениот Метју ван дер Пол од Холандија.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024