Спорт
Винисиус во конфликт со шефот на Ла лига околу расизмот во шпанскиот фудбал
Ѕвездата на Реал Мадрид, Винисиус Жуниор влезе во конфликт со претседателот на шпанската Ла лига, Хавиер Тебас околу ставот на лигата со расизмот во шпанскиот фудбал.
Во саботата, Бразилецот ја обвини Ла лига дека не прави ништо за расистичките фанови на мечевите, откако неколку видеа на социјалните мрежи покажуваа како тој е мета на навреди и кон него се фрла со различни предмети. Ла лига се јави со соопштение осудувајќи го однесувањето на навивачите на „Хозе Зорилја“ стадионот во Валјадолид, каде што Реал стигна до 2:0 победа.
„Расистите продолжуваат да бидат на стадионите и да го гледаат најголемиот клуб на светот, а Ла лига продолжува да не прави ништо. Ќе ја држам главата високо и ќе ги прославувам моите победи и победите на Мадрид“, напиша Вини на Твитер.
Тебас му одговори со критики.
„Во Ла лига со години се бориме со расизмот. Винисисус, несреќно и нефер е да зборуваш дека Ла лига не прави ништо за расизмот. Информирај се подобро. Сите сме достапни да го правиме тоа заедно“, напиша Тебас.
Os racistas seguem indo aos estádios e assistindo ao maior clube do mundo de perto e a @LaLiga segue sem fazer nada…
Seguirei de cabeça erguida e comemorando as minhas vitórias e do Madrid.
No final a culpa é MINHA. 🤙🏿 pic.twitter.com/5ztuTjP4s6— Vini Jr. (@vinijr) December 31, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.
Спорт
(Видео) Погачар ја освои светската титула
Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.
Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.
Погачар оваа сезона собра вкупно 589 поени, што ја прави најдобра во историјата на велосипедизмот.
Досега најдобрите сезони, дури шест во периодот од 1969 до 1974 година, ги извезе Белгиецот Мерчк.
📊🇸🇮Pogačar 2024 is the best season in male pro-cycling ever according to @prestigelisten.
589 | 🇸🇮Pogačar’24*
585 | 🇧🇪Merckx’72
576 | 🇧🇪Merckx’73
548 | 🇧🇪Merckx’70
540 | 🇧🇪Merckx’71
511 | 🇧🇪Merckx’69
507 | 🇧🇪Merckx’74
440 | 🇮🇹Coppi’49
384 | 🇮🇪Roche’87— Cycling Statistics 📊 (@StatsOnCycling) September 29, 2024
Исто така, оваа година Погачар беше најбрз на престижните трки Лиеж-Бастоњ-Лиеж, Волта Каталуња и Страда Бјанка.
Словенецот славеше во Цирих со време од 6:27.30, што е за 34 секунди побрзо од второпласираниот Австралиец Бен О’Конор и бронзениот Метју ван дер Пол од Холандија.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024
Спорт
Пандев за клупската телевизија ќе го коментира мечот Интер-Црвена звезда
Интер во вторник ќе ја пречека Црвена звезда во второто коло, во Лигата на шампионите. За клупската телевизија како стручен консултатнт натпреварот ќе го работи еден од најдобрите македонски фудбалери на сите времиња, Горан Пандев.
Звезда е неговата прва љубов, но со Интер ги доживеа најубавите моменти во кариерата. Нема да биде лесно да се одлучите на кого ќе навива.
„Да, тежок избор. Кога бев дете, речиси сите во Македонија ја поддржуваа Црвена звезда, но Интер ја одбележа мојата кариера, таму освоив се. Би сакал да биде добар натпревар, нека биде возбудлив и многу голови. од двете страни“, изјави Пандев за „Моцарт спорт“.
Интер е шампион на Италија, пред две сезони играше во финалето на Лигата на шампионите и јасно е дека е апсолутен фаворит во дуелот со црвено-белите.
„Интер не ја започнаа добро сезоната поради многу повреди во тимот, но влегуваат во ритам. Славеа на гостински терен против одличниот тим на Удинезе и се вратија на победничкиот колосек. Интер има одлични играчи на клупата што можат да направат разлика. Во Удине на местото на повредениот Барела играше Фратези скоро цел натпревар, дури и даде гол, но мислам дека Зјелински ќе стартува покрај Чалханоглу и Мхитаријан во редот за врска против Звезда. Од почеток треба да играат и Дамфрис и Павар кои одмараа“.
Пандев смета дека овој тим на Интер не може да се замисли без двајца фудбалери.
„Без Чалханоглу, овој тим е незамислив. Тој е лидер, а конечно во ритам влезе и Лаутаро со два гола против Удинезе. Тој е врвен напаѓач, само прашање на време беше кога повторно ќе почне да постигнува голови“.
Барела нема да игра прптов Црвена звезда поради повреда, а српскиот шампион на „Џузепе Меаца“ ќе биде без најдобриот играч Мирко Иваниќ, десниот бек Огњен Мимовиќ и веројатно без израелскиот голман Омри Глазер.
„Штета за Иваниќ, тој е одличен играч, но Звезда летово донесе квалитетни фудбалери како Круниќ и Силас, кои знаат да играат јаки натпревари. Имаат физички силен тим и ми се чини дека се добро подготвени. Ќе играат во Милано без притисок, немаат што да загубат. Од Интер се очекува да победи, но тоа не е секогаш лесно, особено не во Лигата на шампионите каде што сите играчи и тимови се желни. да се докажат“, рече Пандев.