Спорт
Гранеруд е недопорлив – најдалеку и во Гармиш
Норвешкиот фаворит Халвор Егнер Гранеруд стигна и до втората еднопоруго победа на Новогодишната турнеја „4 скокалници“, останувајќи недопорлив на скокалницата во германскиот Гармиш-Партенкирхен, одговарајќи на предизвикот од словенечкиот скокач Анже Ланишек.
Гранеруд, кој победи и на првата скокалница во Оберстдорф на 29 декември, беше лидер по првата серија со скок од 140 метри, но беше под притисок откако Анже Ланишек имаше одличен скок од 137 метри во втората серија. На ова 26-годишниот шампион од Светскиот куп во 2020/21 одговори на совршен начин, со најдолг скок во сесијата од 142 метри за да прослави во стилот на неговиот сонародник, фудбалскиот ас Ерлинг Халанд.
На крајот Гранеруд собра 303.7 поени (140 и 142 метри) пред Ланишек со 297.3 (140.5 и 137 метри) и Полјакот Давид Кубацки со 294.4 метри (136 и 138.5 метри). Во топ 5 беа уште двајца Австријци – Мануел Фетнер со 279.6 и Јан Херл со 278.9 поени, пред уште еден Полјак, Пјотр Жила.
Гранеруд сега има 312.4 поени во пласманот на „4 скокалници“ пред Жила со 299.0 и Кубацки со 294.9, додека Ланишек по слабиот настап во Оберстдорф е 10. со 267.4 поени. Новогодишната турнеја продолжува на 4 јануари во австрискиот Инсбрук, пред финишот на најелитното скокачко натпреварување во Бишофсхофен на 6 јануари.
He did it again!! 🚀
Halvor Egner #Granerud is the winner of the @Gap_Skispringen! 😍 2️⃣nd and 3️⃣rd place go to Anze #Lanisek and Dawid #Kubacki. Congratulations, guys! 🥳 #4hills #vierschanzentournee #skijumping #skispringen #skokinarciarskie📸: @d_berchtold_foto pic.twitter.com/UkMr1zErBM
— Vierschanzentournee (@vier_schanzen) January 1, 2023
Halvor Egner Granerud z drugim zwycięstwem w 71. Turnieju Czterech Skoczni. Dawid Kubacki na trzecim miejscu w #GarmischPartenkirchen! #skijumpingfamily pic.twitter.com/Ir8TJeA1tp
— Skijumping.pl (@Skijumpingpl) January 1, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.