Регион
Тројца уапсени за потонувањето на сплавот „Фристајлер“ на новогодишната ноќ во Белград
Сопственикот, директорот и управителот на сплавот „Фристајлер“ се уапсени поради инцидентот што се случи на новогодишната ноќ кога тој предмет потона во реката, јавува српски „Блиц“.
Тројката е осомничена дека на 31 декември 2022 година дозволила поголем број луѓе на сплавот од капацитетот на тој објект, кој делумно потонал поради тоа и ја загрозил безбедноста на голем број луѓе.
Сите гости биле бргу евакуирани од сплавот, а неколку луѓе биле полесно повредени. Многу гости останаа без своите работи, а она што беше спасено во понеделникот беше изложено пред сплавот за луѓето да си го соберат.
По несреќата, се огласи и МВР на Србија. Началникот на смената во Центарот за команда и операции при Министерството за внатрешни работи на Србија, полицискиот полковник Игор Васиќ, изјави дека за време на новогодишната ноќ полицијата спречила посериозни последици од делумното потонување на сплавот „Фристајлер“ на брегот Сава во Нов Белград.
„Водата почна да навлегува во сплавот ‘Фристајлер’ петнаесетина минути по полноќ, а со брза интервенција на припадниците на Секторот за вонредни ситуации од Нови Белград и Единицата за безбедност на реките избегнати се поголеми последици. Освен материјална штета, нема жртви, а во текот на денот ќе имаме повеќе детали кога ќе заврши истрагата“, изјави Васиќ за „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.