Спорт
По расистичките извици кон Умтити од навивачите на Лацио, Матуиди бара акција од Серија А
![](https://makfax.com.mk/wp-content/uploads/2023/01/FluBbHhakAMsVuX.jpg)
Поранешниот фудбалер на Јувентус, Блез Матуиди им порача на луѓето во Серија А „да направат нешто“ за да ги спречат расистичките испади на трибините, отако вчера навивачите на Лацио на гостувањето кај Лече јасно расистички ги навредува Самуел Умтити и Ламек Банда.
Поранешниот фудбалер на Барса, Умтити, си замина од теренот во солзи и покрај тоа што неговиот тим се врати за 2:1 победа над Лацио и Матуиди му даде поддршка на социјалните мрежи.
„Целосна поддршка до мојот брат Самуел Умитити. Треба да се разбудиме! Веќе сме 2023. Серија А, направете нешто“, напиша Матуиди, кој играше во Серија А од 2017 до 2020 и беше мета на расистички песни од трибините во 2018 година на гостувањето на Јувентус кај Каљари.
Лацио со официјално соопштение го осудија инцидентот.
„Судијата беше приморан накратко да го прекине мечот Лече-Лацио поради расистички навреди кон играч на домашниот тим. Лацио секогаш ги користел сите можни алатки против расизмот и дискриминацијата. Ги осудуваме тие со заостанати, срамни и ужасни гестови и секогаш ќе соработуваме со властите за нивно идентификување. Навивачите на Лацио не се расисти и не се идентификуваат со тие личности кои само го нарушуваат имиџот на клубот“, се вели во објавата на Лацио.
Full support to my brother @samumtiti ❤️ We need to wake up !!! We’re in 2023. Let’s do something @SerieA ✊🏾 #NoToRacism pic.twitter.com/ObWTlq7Uj6
— Blaise Matuidi (@MATUIDIBlaise) January 4, 2023
El Barcelona y el Lecce respaldan a Samuel Umtiti tras ser víctima de cantos racistas en el partido contra la Lazio en la Serie A.pic.twitter.com/tE5Q14rvv4
— Tendencia Futbol (@_JogaBonito_10) January 5, 2023
Sempre contro ogni forma di razzismo e discriminazione
➡️ https://t.co/cvh2Su32TK pic.twitter.com/iEUeQKeB9l
— S.S.Lazio (@OfficialSSLazio) January 5, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Кек: Не очекував пласман во осминафиналето
![](https://makfax.com.mk/wp-content/uploads/2024/06/AFP0238537622979790740028738371097241441819-1.jpg)
Репрезентацијата на Словенија постигна историски успех на Европското првенство во Германија. Словенците прв пат се пласираа во нокаут фазата на едно големо натпреварување.
Избраниците на Матјаж Кек, во Ц групата, ремизираа со Данска 1:1, Србија 1:1 и Англија 0:0, што им беше доволно за пласман во нокаут фазата. .
„Не очекував дека ќе поминеме. Сепак, со играта заслуживме да одиме понатаму. Игравме против Англија, еден од фаворитите на турнирот. Покажавме ментална сила. Ги анализиравме, но кога станавме пасивни имавме проблеми“, изјави селекторот на Словенија Матијаж Кек и додаде:
„Горд сум на овој тим. Ја видовте енергијата што играчите ја добиваат од нашите навивачи од првиот натпревар. Се радуваме на тоа, но од утре се враќаме на тренинзите, ќе се подготвуваме за следниот натпревар. Имавме тешка група, но имаме врвен тим. Мислам дека ова е почеток на нова и убава ера за словенечкиот фудбал“, рече Кек.
Словенија, која беше трета во групата, заедно со првопласираната Англија, денеска ќе ги дознаат имињата на своите ривали во осминафиналето. Данска од втората позиција оди во Германија.
Спорт
(Видео) Лаутаро го реши Чиле, Канада го победи Перу
![](https://makfax.com.mk/wp-content/uploads/2024/06/12327435.jpg)
Аргентина е првата репрезентација која обезбеди четвртфинале на Копа Америка. Актуелните светски и јужноамерикански шампиони го совладаа Чиле со 1:0 на стадионот „Мет Лајф“ во Њу Џерси.
Решавачкиот момент се случи во 88.минута. По корнерот кој го изведе Меси и една флипер ситуација во шеснаесетникот на Чиле, најдобро се снајде Лаутаро Мартинез кој од неколку метри го совлада голманот Браво.
Аргентина доминираше во текот на целиот натпревар, Меси и колегите упатија 21 удар кон противничкиот гол.
Натпреварот го следеа повеќе од 80 илјади навивачи, а се подразбира дека повеќе од 90 отсто навиваа за Аргентина, од кои најголем број во дресови со број 10.
Еден гол го реши победникот и во вториот натпревар во оваа група. Канада беше подобра од Перу со 1:0. На Перуанците, кои од 59. минута играа со играч помалку, бидејќи беше исклучен Араухо, им пресуди Џонатан Дејвид, со гол во 74. минута.
Натпреварот се одигра на стадионот во Канзас Сити.
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.