Регион
Делегација на САД доаѓа на Балканот по зголемените тензии
Висок функционер на Стејт департментот ќе ја предводи делегацијата на САД во три држави од Западен Балкан во наредните денови по неколкунеделните етнички тензии во регионот.
Советникот на Стејт департментот на Соединетите Американски Држави, Дерек Шолет, и делегацијата на САД ќе патуваат во Србија, Косово и Северна Македонија, пишува „Гласот на Америка“.
Шолет во четвртокот за српскиот „Глас на Америка“ изјави дека неговата посета доаѓа во клучен момент.
„Последните неколку недели, за жал, забележан е пораст на тензиите меѓу Косово и Србија. Во последните 48 часа видовме како се спуштаат барикадите, видовме повторно отворени гранични премини меѓу Косово и Србија. Тоа е добра вест“, рече тој.
Од 2011 година Србија и Косово се дел од дијалогот под медијатарство на ЕУ чијашто цел е нормализација на односите. Косово прогласи независност од Србија во 2008 година – која никогаш не беше призната од српските власти.
Европската унија го олесни дијалогот меѓу двете страни минатата година, но разговорите често завршуваа во ќорсокак.
Шолет рече дека сака да се фокусира на разговорите за иднината на Косово и Србија, како и за предлогот за нормализација на ЕУ.
Американските и европските претставници во последните месеци беа ангажирани за забрзување на дијалогот за нормализација на односите меѓу Србија и Косово. Европската унија претстави предлог, но Шолет одби да даде детали.
„Мислам дека понекогаш во какви било преговори, некои од тие детали најдобро се оставаат зад затворени врати додека не бидат подготвени. Но, мислиме дека ЕУ има поставено остварлив пат. Повторно, ќе биде тешко и ќе бара многу работа, тешки одлуки и храброст од лидерите да ги остават настрана разликите и да го направат она што е во најдобар интерес на нивната земја. Сакаме да им помогнеме да ја постигнат таа цел“, рече Шолет.
Тој, исто така, рече дека САД продолжуваат да му даваат приоритет на Договорот од Брисел од 2013 година, кој предвидува формирање на асоцијација на српските општини.
„Ние бевме многу јасни за ова. Сметаме дека ова е обврска која е преземена и треба да се почитува. Но, има многу други прашања, двете страни имаат обврски овде, ние би сакале да ги видиме како напредуваат“, рече Шоле.
Заедницата на српски општини е планирана асоцијација на општини со мнозинско српско население во Косово. Треба да има преглед на областите на економски развој, образование, здравство, урбано и рурално планирање.
Косовските власти се противат на неговото создавање, наведувајќи дека е неуставно и туркано од српската влада од Белград.
Сепак, косовскиот премиер Албин Курти го пофали европскиот предлог за договор меѓу двете земји, велејќи дека тој вклучува универзални принципи, како што се „територијален интегритет, суверенитет, независност, еднаквост, владеење на правото, демократија [и] самоопределување“. за кои рече дека договорот ќе го направи одржлив. Но, тој за Албанскиот сервис на Гласот на Америка изјави дека Белград не сигнализирал дека е подготвен да го прифати.
Премиерот рече дека договорот за Заедницата на српските општини не го поминал тестот на Уставниот суд на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Чистејќи ја пушката, синот случајно ја убил мајка си во Хрватска
20-годишно момче во Хрватска со истрел од пушка ја убил мајка си, а според сите извештаи како што пренесуваат локалните медиуми, тоа е трагична несреќа.
Меѓумурје Пишкоровец вчера вечерта било окупирано од полицијата откако добиле дојава за пукање и едно повредено лице.
Според раскажувањата на соседите, се се случило некаде после 19 часот и 30 минути, кога по пукањето, во семејната куќа се слушнал крик, проследен со повици за помош. Повредената 50-годишна Јасминка Л. не можела да се спаси, а нејзиниот 20-годишен син Доминик е уапсен и под кривична истрага.
„Сите сме во шок. Со Јасминка сум во сродство и не ми се верува дека тоа се случило. Откако Доминик случајно ја ранил со таа ѓаволска пушка, мислам дека веднаш била повикана итна помош, но не ја чекале туку со колата на соседот ја однеле Јасминка кон болницата Чаковец. Беше облеана во крв и онесвестена. Одеднаш, кога стигнаа до Стефанец, нè известија дека таа починала, дека повеќе не дише. И полицијата го одвела Доминик“, изјавил жител на Пишкоровец, кум на починатата жена.
За Доминик вели дека „момчето е добро, трудољубиво, но и многу се врзувало за мајка си“.
– Таа несреќа се случи во куќата додека беа таму. И тој не пукаше кон мајка му намерно. Се плеткаше со пушката, не знаеше дека има куршум внатре, а за да се оправда дека воопшто ја држел, кажал дека ќе ја полира малку. И одеднаш „бум“. Ужас. Доминик ја обожаваше својата мајка. Единецот уште не беше оженет, па и помагаше на мајка си со најмладата сестра, која е на дијализа и е болна – додава кумот на починатиот. На прашањето за оружјето, дали семејството знаело за таа пушка и чија е таа, тој забележува дека не знаеле за оружјето во нивниот дом, а од каде дошло во рацете на Доминик, исто така, не знае.
– Лесно е за потеклото на пушката. Доминик нека објасни во полиција и приказната е завршена, но поголем проблем е што случајно ја убил мајка си и тоа ќе го одбележи целиот негов живот бидејќи за тоа нема оправдување – заклучува жителот на Пишкоровец.
Телото на трагично убиената жена е пренесено на обдукција на патолошкото одделение во болницата Чаковец.
По кривичната истрага ќе бидат познати сите околности кои довеле до трагедијата и дали 20-годишникот ќе биде пријавен за случајна смрт, пренесува „Јутарњи лист“.
Регион
Дојава за бомба во Подгорица, судот итно евакуиран
Зградата во која се сместени Вишиот суд и Врховниот суд во Подгорица е евакуирана поради дојава за поставена бомба.
На електронската пошта на Врховниот суд е испратена закана за бомба.
Специјалната полициска единица моментно врши проверка на просториите, а вработените ја напуштиле зградата, јавуваат подгоричките медиуми.
Регион
Поднесено обвинение за убиството на Данка Илиќ
Вишото јавно обвинителство Заечар поднесе обвинителен акт против Срѓан Јанковиќ и Дејан Драгијевиќ, поради сомнение дека го убиле девојчето Данка Илиќ (2) во селото Бањско Поље кај Бор, дознава Нова.рс.
Обвинението е доставено до Вишиот суд пред неколку минути.
Двајцата се обвинети дека со автомобил на јавното комунално претпријатие „Водовод“ удриле девојче, а потоа ја задавиле и ѝ го сокриле телото на позната локација.
Случајот на Данка Илиќ првпат во Србија го активира системот „Најди ме“.