Свет
Напад на железничка станица, киднапирани 32 лица во Нигерија
Вооружени напаѓачи киднапирале 32 лица од железничка станица во јужната нигериска држава Едо, соопшти денеска канцеларијата на гувернерот на таа држава.
Во соопштението се наведува дека луѓе вооружени со пушки ја нападнале станицата, дека некои луѓе кои биле на станицата биле застрелани и дека 32 лица биле киднапирани, пренесува Ројтерс.
Државниот комесар за информации рече дека војската и полицијата ги интензивираат операциите за пребарување за да ги спасат жртвите на киднапирањето.
Нигериските железници ги затворија станиците и го суспендираа транспортот до понатамошно известување. Портпаролот на државната полиција изјави дека вооружени лица киднапирале непознат број патници кои чекале воз на железничка станица во градот Игуебен во државата Едо, јужна Нигерија.
Киднаперите „пукале спорадично во воздух“ пред да ги киднапираат патниците, но неколку граѓани останале на местото на нападот со прострелни рани, изјави тој, пренесе АП.
Овој инцидент е уште еден во низата напади на железничките станици во Нигерија. Владата на таа земја се обидува да ја запре се поголемата несигурност што ја зафати земјата во пресрет на претседателските избори закажани за следниот месец.
Иако властите ветија дека ќе ја зголемат безбедноста на железничките станици, аналитичарите предупредуваат дека силите за национална безбедност се преоптеретени, според Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден денеска за последен пат зборува во Генералното собрание на ОН како претседател на САД
Американскиот претседател Џозеф Бајден денеска ќе го одржи својот последен говор на Генералното собрание на Обединетите нации (ОНГА) како претседател на САД.
Во обраќањето на Бајден пред Генералното собрание и на неговите средби со други светски лидери во Њујорк, главното прашање ќе биде конфликтот на Блискиот Исток и неговите потези во тој поглед, пренесува Гласот на Америка.
Бајден ќе им се обрати на стотици светски лидери кои секоја година се собираат на Генералното собрание на Обединетите нации, а говорот ќе го одржи во многу важен момент, изјави американската амбасадорка во ОН Линда Томас Гринфилд.
Свет
Борел: Меѓународните правила никогаш не биле толку игнорирани како што се денес
Шефот на дипломатијата на Европската унија, Жосеп Борел, како домаќин на неформалниот состанок на Советот за надворешни работи на ЕУ во Њујорк за време на Генералното собрание на Обединетите нации, рече дека меѓународните правила никогаш не биле толку занемарени како денес.
„Светот беше погоден од многу кризи, до таа мера што меѓународните правила никогаш не биле толку занемарени. Меѓународниот систем на правила никогаш не бил толку слабо спроведен и почитуван. Вчера светна светлина на надеж: усвојувањето на „Пактот „За иднината“ покажува дека постои голема побарувачка за мултилатерализам, значи дека секој има глас, дека светот ги зема предвид интересите на сите, а не само на големите сили“, рече тој.
Тој додаде дека „Европејците имаат посебна одговорност кон граѓаните во светот бидејќи мултилатералниот систем, кога функционира, носи мир и стабилност“.
Свет
По земјотресот со јачина од 5,9 степени во Јапонија, цунами го погоди островот Хачијо јужно од Токио
По земјотресот со јачина од 5,9 степени според Рихтеровата скала, цунами високо 50 сантиметри денеска го погоди островот Хачијо јужно од Токио, соопшти Јапонската метеоролошка агенција (ЈМА).
Според полицијата, засега нема повредени.
Епицентарот на земјотресот бил во водите кај Торишима на архипелагот Изу, на длабочина од околу 10 километри.