Спорт
Скалони најдобар во 2022
Меѓународниот институт за фудбалска историја и статистика, угледна институција со седиште во Цирих, го објави рангирањето и бодувањето во изборот за најдобар тренер во 2022 година.
Според Институтот, најдобар тренер во 2022 година е аргентинскиот селектор Лионел Скалони. Тој со Аргентина ја освои светската титула пред неполн месец, втор е Дидие Дешам, кој загуби од Франција во финалето на СП.
Интересно, иако Хрватска го победи Мароко во мечот за третото место, во изборот за селектор на годината трет е мароканскиот селектор Валид Реграги со 30 поени, а Златко Далиќ е четврти со 20 поени. Кликнете овде за пласман на IFFHS тренер на годината:
IFFHS AWARDS 2022 – MEN'S WORLD BEST NATIONAL COACH
LIONEL SCALONI CROWNED !
For more information, visit the website:https://t.co/JpYvueB3ha#iffhs_news #awards #history #statistics #world_cup #winners #players #national #international #top #best #iffhs pic.twitter.com/yry7I83KsW
— IFFHS (@iffhs_media) January 8, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ се договорил со Олимпија Милано
Најдобриот македонски кошаркар, Ненад Димитирјевиќ, кариерата ќе ја продолжи во Олимпија Милано.
Италијанските медиуми тврдат дека трансферот на МВП во ВТБ лигата во редовите на „манекените“ е чиста формалност.
Димитријевиќ и минатата и оваа сезона се поврзуваше со белградски Партизан.
Во втората сезона со Уникс има просек од 19 поени, 6,6 асистенции, 3,6 скока, 1,3 украдени топки и ја освои наградата за најкорисен играч на лигашкиот дел од сезоната на руската ВТБ лига.
Во првата сезона ја освои титулата во ВТБ лигата и беше прогласен за МВП на финалната серија.
Димитријевиќ со Олимпија договорил двегодишна соработка.
Пред Уникс и Валенсија, тој играше за Хувентуд, каде ја започна својата сениорска кариера.
Спорт
Борусија има договор со компанија која произведува оружје
Борусија Дортмунд потпиша тригодишен спонзорски договор со Рајнметал, производител на оружје.
Логото на компанијата ќе биде испечатено на лиценцираните производи на Борусија веќе за финалето од Лигата на шампионите против Реал (сабота, 21 часот), ќе биде истакнато на билбордите на стадионот како и на прес-конференциите, но нема да биде на дресовите.
Така Борусија стана првиот германски клуб кој има спонзорски договор со компанија која произведува оружје.
Компанијата е со седиште во Дизелдорф, на околу 70 километри од Дортмунд, и е најголем производител на муниција во Европа, а се занимава и со производство на бројни борбени возила и беспилотни летала.
„Одбраната и безбедноста се основата на секоја демократија. Особено во денешно време кога гледаме како слободата мора да се брани во Европа. Мора да се справиме со оваа нова нормалност“, изјави Ханс-Јоаким Вацке, првиот човек на Борусија.
Официјалната навивачка група на Борусија истакна дека разговарале на оваа тема со клубот, но дека изразиле загриженост и противење на овој договор, а демантираат и одредени написи дека оваа одлука всушност била изгласана.
Германското здружение за мир, група пацифисти на чело со Михаел Шулц фон Глазер, кој е навивач на Дортмунд, побара клубот веднаш да го раскине овој договор.
Спорт
Одложен мечот меѓу Тајсон и инфлуенсерот Пол
Борбата меѓу Мајк Тајсон и Џејк Пол е одложена на неодредено време поради здравствени проблеми на легендарниот американски боксер.
На Тајсон неодамна му се слошило додека се качувал на лет од Мајами за Лос Анџелес, а ситуацијата се влошила во воздухот.
Ситуацијата стана доста драматична и беше неопходно итната медицинска помош да го чека веднаш по слетувањето. Американските медиуми објавија дека се работи за чир на желудникот, што е проблем кој Тајсон го има подолго време.
„Сакам да им се заблагодарам на моите фанови ширум светот за поддршката и разбирањето во овој период. За жал, мојот лекар ме советуваше да го намалам тренингот на неколку недели за да се одморам и закрепнам. Моето тело е во подобра состојба отколку што беше од 1990-тите и наскоро ќе се вратам на целосниот распоред за тренинзи. Џејк Пол ова можеби ти купи малку време, но сепак ќе бидеш нокаутиран. Благодарен сум за вашето трпение и едвај чекам да ви приредам незаборавен настап подоцна оваа година“, рече Тајсон.
Засега не е познато кога ќе се одржи спектаклот првично закажан за 20 јули на стадионот „AT&T“ во Тексас.
Кога тоа ќе се случи, тие ќе боксираат во осум рунди во траење од по две минути, а прогнозите се такви што Пол има поголема предност пред Мајк Тајсон.