Регион
„Анонимуси“ со нова порака до Вучиќ: Еј, кукло на Путин, каде си?
Меѓународната хакерска група „Анонимуси“ испрати нова порака до српскиот претседател Александар Вучиќ нарекувајќи го „куклата на Путин“.
Тие ја информираа јавноста дека се многу ангажирани и дека собрале имејл-адреси на стотици службеници од разни министерства.
JUST IN: The #Anonymous collective leaked the email addresses of hundreds of Serbian government officials in various ministries. #OpSerbia engaged.
Link: https://anonfiles[.]com/Jct6DdQ1y1/SerbianGOVEmailLeaks_rar
Hey, Putin’s puppet, where are you? With the dogs, yet?! pic.twitter.com/v4T9aH3Ust
— Anonymous TV 🇺🇦 (@YourAnonTV) January 8, 2023
Својата порака ја завршија со прашање упатено до Вучиќ: „Еј, кукло на Путин, каде си? Уште со кучињата?!“, пишува „Нова.рс“.
Медиумите потсетуваат дека истата група пред неколку дена на еден од профилите на „Твитер“ тврдеше дека ги нападнале веб-страницата на војската на Србија и веб-страницата vucic.rs.
„Фашисто Александар, не губи време со твоите кучиња. Вашата војска сега не може да лае. Не потценувајте ги „анонимусите“, напишале на тој профил.
Пораката, како што пренесува медиумот, дојде по објавата на „Инстаграм“ на претседателот на Србија, кој објави фотографија на која си игра со кучиња и напиша: „Се подготвуваме да се бориме против ‘Анонимуси’“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.
Регион
Се преврте воен камион во БиХ, сообраќајот во прекин
Се превртел камион на вооружените сили на Босна и Херцеговина.
„Во несреќата учествувало едно тешко моторно возило. Сообраќајот е целосно во прекин, а едно лице е пренесено за укажување лекарска помош“, изјавија од полицијата.
Повредениот е пренесен во Здравствниот дом „Олово“, а засега не се знае степенот на повредите.
Со оглед на тоа што сообраќајот е целосно во прекин, како што јавуваат читателите на „Кликс.ба“, километарски колони возила се формирани на релација Олово – Сараево.
Регион
Министрите на ЕУ го поддржаа проширувањето со Западен Балкан
Министрите за европски прашања на земјите членки на ЕУ, денеска, на седницата на Советот за општи работи на ЕУ, посветена на приоритетите на унгарското претседателство, го поддржаа процесот на проширување на ЕУ заснован на заслуги, вклучително и за Западен Балкан.
Унгарскиот министер за европски прашања, Јанош Бока, на седницата, на која ги презентира приоритетите на унгарското претседателство, меѓу кои и конзистентна политика на проширување заснована на заслуги, рече дека проширувањето е една од најуспешните политики на ЕУ.
„Треба да го одржиме овој успех за да се осигураме дека тоа е засновано на заслуги, балансирано и веродостојно. Набргу доаѓа пакетот за проширување. Ги разгледавме земјите од Западен Балкан и изгледите за членство во ЕУ во овој поглед. Без ова, европската заедница не може да биде комплетна“, рече тој.