Свет
Руски блогер го разоткри нападот на Краматорск: Приказната за 600 убиени Украинци е измама

Украинските сили ги одбиваат тековните руски напади врз Бахмут и други градови во Донбас на истокот на земјата, соопшти Киев, по демантирањето на тврдењата на Кремљ за 600 загинати украински војници, што исто така сериозно е доведено во прашање од руските блогери.
Русија изминатиот ден изврши седум ракетни напади, 31 воздушен напад и 73 ракетни фрлачи, објави главниот штаб на украинската армија во својот дневен извештај. Во него се наведува дека украинските сили одбиле напади врз 14 места и градови, меѓу кои и Бахмут. „Ројтерс“ не може самостојно да го потврди извештајот за ситуацијата на бојното поле.
„Бахмут се држи и покрај сè. Иако поголемиот дел од градот е уништен од руските напади, нашите војници одбиваат постојани руски обиди за напредување“, рече Зеленски во вечерното видеообраќање додавајќи дека „Соледар се држи, иако уништувањето е уште поголемо, а ситуацијата е многу тешка.
This is the intact building the Rashists claim 600 Ukrainian servicemen were destroyed in today in #Kramatorsk. pic.twitter.com/8OsBIHOw6b
— АЗОВ South (@Azovsouth) January 8, 2023
Зеленски повторно го осуди, како што рече, неуспехот на Русија да го почитува примирјето што го прогласи за православниот Божиќ.
„Русите го гранатираа Херсон со запалива муниција веднаш по Божиќ“, рече тој мислејќи на градот на југот на земјата што руските сили го напуштија во ноември.
„Удари врз Краматорск и други градови во Донбас – врз цивилни цели и тоа токму во моментот кога Москва известуваше за наводниот прекин на огнот за својата армија“, рече Зеленски.
Several foreign journalists in #Kramatorsk found no confirmation of the #Russian Ministry of Defense’s claims that hundreds of #Ukrainian servicemen were killed as a result of the missile strike. Thus, none of the dormitories in Kramatorsk mentioned by #Moscow were damaged. pic.twitter.com/WcvNpBATCO
— NEXTA (@nexta_tv) January 8, 2023
Русија во неделата соопшти дека во ракетен напад врз Краматорск, северозападно од Бахмут, загинале 600 украински војници, но репортерот на „Ројтерс“ на местото на настанот не нашол докази за тврдењата.
Новинарите на „Ројтерс“ посетија две згради од студентски дом, каде што, според руските наводи, украински војници биле привремено сместени во близина на линијата на фронтот во моментот на рускиот ноќен ракетен напад.
Се чини дека ниту една од двете згради не е сериозно оштетена. Исто така, нема очигледни знаци дека таму биле војници ниту, пак, траги од тела или крв. Искршени се некои прозорци на една зграда, а во дворот има голем кратер. Втората зграда, која руското Министерство за одбрана ја нарече Хостел бр. 28, е целосно недопрена.
Некои влијателни руски блогери ги критикуваа тврдењата на руското Министерство за одбрана за 600 убиени украински војници.
„Ајде да зборуваме за измама. Не ни е јасно кој и поради која причина одлучил сите 600 украински војници да загинат наеднаш ако всушност не била погодена зградата, дури ни струја не снемало“, напиша блогер со име „Воен информатор“ на „Телеграм“.
„Наместо вистинско уништување на непријателскиот персонал, што би бил вистинскиот одговор, измислена е ексклузивна медиумска операција на одмазда“, додаде тој.
Украина тврди дека убила 760 руски војници минатата недела во нападите врз Херсон и регионот Запорожје. И „Ројтерс“ не можеше да ги потврди тие извештаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откако силни турбуленции го погодиле летот од Шпанија до Рим, принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Слетал таму во 3:53 часот наутро, речиси три часа откако требаше да пристигне во италијанската престолнина.
Патот од Аликанте до Рим обично трае нешто помалку од два часа.
Регион
(Видео) Вучиќ рече „ќе ги намалиме потрошувачките кредити“, а потоа замолчи и ја смени темата

Српскиот претседател Александар Вучиќ вчера од Палатата на Србија презентираше нов пакет економски мерки за подобрување на животниот стандард на граѓаните. Мерките, кои тој ги нарече „чудесни“, вклучуваат ограничување на маржите на најголемите малопродажни синџири за 3.000 производи и намалување на каматните стапки на готовинските и потрошувачките кредити.
„Дали знаете што се потрошувачки кредити? Кога ви треба кредит за огревно дрво, за зима итн. Малкумина користат потрошувачки кредити. Но, ние ќе ги намалиме потрошувачките кредити…“, рече Вучиќ, по што замолчи седум секунди.
„Прво ќе зборувам за готовинските кредити бидејќи се подобри и поважни“, рече тој потоа, прекинувајќи ја тишината и менувајќи ја темата.
Ovo ko kad je Lune Šćekić polagao poslednji ispit🤡 pic.twitter.com/mueYmtkNJu
— Суки (@doktorzakrave) August 24, 2025
Вучиќ двапати ги опомена новинарите кои се смееја за време на конференцијата.
„Немам ништо против вас од медиумите ако најдете нешто смешно, но ве молам да покажете основно почитување кон местото каде што се наоѓате“, рече тој.
Дополнително, тој им покажа на камерите корпи со разни производи чии цени треба да бидат пониски. „Ова се силни и значајни мерки што ќе ја зголемат вкупната потрошувачка и ќе им користат на обичните, посиромашни луѓе“, нагласи тој.
фото: принтскрин
Свет
Виетнам се подготвува за моќен тајфун, ги затвора училиштата и аеродромите

Виетнам ги затвори аеродромите и училиштата и започна масовни евакуации додека се подготвува за најсилната бура оваа година. Се очекува тајфунот Каџики, со ветрови до 166 км/ч на море, да стигне до копното денеска попладне, објави Ројтерс.
„Ова е исклучително опасна и брзо движечка бура“, соопшти владата вчера вечер, предупредувајќи дека Каџики ќе донесе обилни дождови, поплави и лизгање на земјиштето.
Со својата долга крајбрежна линија свртена кон Јужното Кинеско Море, Виетнам е особено ранлив на бури кои често одземаат животи и предизвикуваат катастрофални поплави и лизгање на земјиштето. Се очекува Каџики да ги погоди помалку индустријализираните провинции во споредба со областа каде што минатогодишниот тајфун Јаги уби околу 300 луѓе и предизвика штета од околу 2,8 милијарди евра.
Прогнозите покажуваат дека тајфунот потоа ќе се движи кон внатрешноста на Лаос и северен Тајланд.
Виетнамските власти соопштија дека денес околу 30.000 луѓе се евакуирани од крајбрежните области. Повеќе од 16.500 војници и 107.000 паравоени трупи се мобилизирани за да помогнат во евакуацијата и се во подготвеност за операции за пребарување и спасување, се вели во соопштението на владата.
Властите вчера објавија дека ќе мора да евакуираат повеќе од половина милион луѓе и им наредија на сите бродови да останат во пристаништето.
фото: принтскрин