Македонија
Кочовски: Вевчанскиот карневал продолжува и оваа година и покрај немањето поддршка од Министерството за култура
![](https://makfax.com.mk/wp-content/uploads/2019/12/IMG_5323.jpg)
„Задоволство ми е да ги поканам сите љубители на добрата забава и љубителите на традицијата и македонските обичаи да дојдат на 13 и на 14 јануари во Вевчани, да го посетат Вевчани и да бидат дел од уште едно издание на Вевчанскиот карневал“, истакна Спасе Кочовски, градоначалник на општина Вевчани.
Тој посочи дека на 13 јануари, во 13 часот, почнува василичарското дефиле, кое продолжува кон центарот на Вевчани со играње оро. А потоа дефилето продолжува низ вевчанските улици. Традиционалните вевчански маски, зетот и невестата, ќе ја посетат секоја куќа во Вевчани. Тој дел на 13 јануари завршува со полнење вода на Вевчанските Извори. Вечерта на 13 јануари е проследена и со забавен дел со познати македонски музички имиња, објасни организаторот.
„На 14 јануари продолжува карневалот, значи уште од раните утрински часови василичарите организирано ќе ја посетат секоја вевчанска куќа во која има човек што се вика Васил бидејќи на 14 веќе е Свети Василија, именден на секој што се вика Васил. И манифестацијата продолжува во центарот на Вевчани со познатото ‘Василичарско оро’ и трае неколку часа и некаде накај 17 часот вечерта завршува Вевчанскиот карневал“, рече градоначалникот.
Тој нагласи дека веќе втора година нема финансиска поддршка од Министерството за култура. „Минатата година таа поддршка што во минатото ја имало од Министерството за култура веќе ја нема. А причината зошто веќе Министерството за култура не го поддржува Вевчанскиот карневал не се знае, барем од Министерството не ја соопштуваат“, вели тој.
„Најдовме начин да се организираме, повторно сè да биде како што треба“, појасни Кочовски.
Додаде дека сите граѓани на Македонија се поканети на 13 и 14 јануари да дојдат на Вевчанскиот карневал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Мицкоски од Вашингтон: Ќе оствариме средби со државници, со бизнисмени и со дијаспората, а ќе најавиме и нова инвестиција
![](https://makfax.com.mk/wp-content/uploads/2024/07/Screenshot-2024-07-07-174622.jpg)
Премиерот Христијан Мицкоски попладнево преку видео-обраќање најави дел од своите активности во рамки на официјалната посета на САД.
„Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.
Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.
Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.
Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.
Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.
Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк“, рече премиерот Мицкоски.
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…
Македонија
Силен земјотрес во Македонија!
![](https://makfax.com.mk/wp-content/uploads/2023/08/ohrid-2.jpg)
Земјотрес со јачина од 3,5 степени според Рихтеровата скала ја погоди Македонија, јавува ЕМСЦ.
Земјотресот се случил во 14 часот и 7 минути, на 15 километри од Охрид, на длабочина од 10 километри.
Засега нема информации за повредени или материјална штета.
Граѓаните на веб-страницата на ЕМСЦ пишуваат дека земјотресот траел кратко, но дека го почувствувале.
„Како некој да ми го затресе каучот“, „Кратко, но моќно“, „Тоа траеше кратко, но се чувствуваше“, се само дел од коментарите на граѓаните.
🔔#Earthquake (#земјотрес) M3.5 occurred 15 km S of #Ohrid (Republic of North Macedonia) 3 min ago (local time 14:07:56). More info at:
📱https://t.co/IbUfG7TFOL
🌐https://t.co/SmcV3yEYJc
🖥https://t.co/FmO253z6S4 pic.twitter.com/aHfinCzY3q— EMSC (@LastQuake) July 7, 2024