Македонија
Грковска: Или заеднички ќе влеземе во борбата со корупцијата или ќе дозволиме системот да ни остане гнил
![](https://makfax.com.mk/wp-content/uploads/2023/01/12012023_GRKOVSKA_AMBASADORSKA-TRKALEZNA-MASA-2.jpeg)
„Предуслов за ефикасно справување со корупцијата е активната улога на сите фактори на системот. Во овој процес мора да обезбедиме целосен општествен и политички консензус. Владата на Република Северна Македонија, но и сите ние, сме исправени пред задачата да создадеме соодветен механизам на превенирање на можните коруптивни дејства и нивно навремено и правилно санкционирање“, порача заменичката на претседателот на Владата задолжена за политики за добро владеење, Славица Грковска, во денешното обраќање на амбасадорската тркалезната маса „Ефективна борба против организираниот криминал и корупција: Европски добри практики и домашна реформска агенда“, во организација на Советот на амбасадорите во земјата.
Грковска нагласи дека корупцијата е проблем во сите земји во Европа и во светот и токму затоа справувањето со неа е врвен приоритет.
Корупцијата, додаде таа, го поткопува системот, предизвикува негативни последици на економскиот напредок, а сето тоа влијае на животот на граѓаните и токму затоа се создава разочараност кај граѓаните.
„Верувам дека заеднички, организирано и со квалитетни системски мерки можеме да создадеме ефикасен механизам, кој ќе овозможи справување со корупцијата, нејзино превенирање, но и казнување. Од сите нас зависи во какво општество ќе живееме и затоа сите ние како граѓани имаме обврска да работиме на промена на свеста во оваа насока“, рече Грковска.
Додаде дека унапредувањето на интегритетот, одговорното, отчетното и транспарентно работење се клучните механизми во ефикасното справување со корупцијата и поставувањето темели на владеењето на правото, еднаквата правда и казнивоста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…
Македонија
Силен земјотрес во Македонија!
![](https://makfax.com.mk/wp-content/uploads/2023/08/ohrid-2.jpg)
Земјотрес со јачина од 3,5 степени според Рихтеровата скала ја погоди Македонија, јавува ЕМСЦ.
Земјотресот се случил во 14 часот и 7 минути, на 15 километри од Охрид, на длабочина од 10 километри.
Засега нема информации за повредени или материјална штета.
Граѓаните на веб-страницата на ЕМСЦ пишуваат дека земјотресот траел кратко, но дека го почувствувале.
„Како некој да ми го затресе каучот“, „Кратко, но моќно“, „Тоа траеше кратко, но се чувствуваше“, се само дел од коментарите на граѓаните.
🔔#Earthquake (#земјотрес) M3.5 occurred 15 km S of #Ohrid (Republic of North Macedonia) 3 min ago (local time 14:07:56). More info at:
📱https://t.co/IbUfG7TFOL
🌐https://t.co/SmcV3yEYJc
🖥https://t.co/FmO253z6S4 pic.twitter.com/aHfinCzY3q— EMSC (@LastQuake) July 7, 2024
Македонија
(Фото) Томовски: Вратите на Владата остануваат отворени за граѓаните, а оградата наместо да скапува, ја добива својата функција
![](https://makfax.com.mk/wp-content/uploads/2024/07/Screenshot-2024-07-07-141119.jpg)
Пет дена по владината седница на која беше одлучено да се врати оградата околу Владата, екипи уште од рано утрово работат на нејзино поставување.
„Денес согласно задолжението добиено од Владата започна поставувањето на претходно одстранетата ограда на Владата. Таа беше репарирана изминатите денови, поради неадекватното чување и денес Службата за заеднички и општи работи ја поставува истата. Досега се користеше старата и дотраена железна ограда во сопственост на МВР која е нерепрезентативна и нефункционална. Вратите на Владата остануваат отворени за граѓаните, а оградата наместо да скапува на складиште ја добива својата функција“, напиша на Фејсбук, Ивица Томовски, директор на Службата за општи и заеднички работи.
На објавата се нижат десетици позитивни коментари од граѓаните.
„Тој што потпишал да се извади и да рѓосува по настрешници некаде,сега ова поставување треба да биде на негова сметка тој да си ги сноси трошоците“, „Ова веќе си личи, доста беше таа грозна слика само со столбови“, „Браво, само напред“, се дел од коментарите на граѓаните.
Оградата чини 700 илјади евра и беше поставена во 2015 година. Извадена беше во 2019-та, како едно од предизборните ветувања на Зоран Заев.