Спорт
Себастијан Леб со етапна победа, но Ал-Атијах ита кон нов триумф на релито Дакар
Францускиот возач Себастиен Леб (Bahrain Raid Xtreme) стигна до својата четврта последовна етапна победа и вкупно петта на годинашното рели Дакар во Саудиска Арабија, но неговото заостанување во генералниот пласман зад Насер Ал-Атијах (Тојота) од Катар останува поголем од 90 минути.
Леб етапата долга 427 километри од Шабах до Емпти Квотерс ја помина за нешто помалку од три часа (2:56:14), додека лидерот Ал-Атијах заостана шест минути и 42 секунди.
Доколку не се појават некои поголеми тешкотии во последните три етапи, катарскиот возач треба да го освои победничкиот трофеј на релито Дакар по петти пат во својата кариера.
Во конкуренција на мотоциклисти, промена имаше на врвот во генералниот пласман, каде сега се наоѓа Американецот Скајлер Хаус (Хускварна), иако денешната етапа ја заврши на четвртото место.
До денес водечкиот Аргентинец Кевин Бенавидес (Ред Бул КТМ) беше само десетти и падна на третото место во генералниот пласман со две минути и 44 секунди заостанување. На второ место е Австралиецот Тоби Прајс (Red Bull KTM), кој заостанува само 28 секунди зад Хаус.
Во петок караванот ќе се врати во Сабах на етапата долга 376 километри.
🏁 Stage 1️⃣1️⃣ – Cars 🚗
Provisional top 3:
🥇 Sébastien Loeb
🥈 Guerlain Chicherit
🥉 Mattias Ekström4️⃣ wins in a row for @SebastienLoeb! And a total of 5 stage wins in this #Dakar2023.
🔴 Follow the other categories live:https://t.co/BrruP0oEtI pic.twitter.com/KZ3Y9Waf5n
— DAKAR RALLY (@dakar) January 12, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.