Спорт
Леброн Џејмс имаше шоу и донесе триумф за ЛА Лејкерс
Кошаркарите на Лос Анџелес Лејкерс го победија Хјустон Рокетс со 140:132, а блескаше Леброн Џејмс кој постигна 48 поени, со девет асистенции и осум скока во ноќта посветена на Мартин Лутер Кинг во НБА лигата. Тој петти пат откако има над 35 години, успеа да одигра натпревар со над 35 поени.
Мајкл Џордан успеа само трипати, а сите други играчи заедно на планетава – само еднаш.
Но, откако наполни 38 години, Џејмс има просек од 37 поени, 9,7 скока и 8,6 асистенции.
Што се однесува до мечот, тој беше решена на крајот на третиот и почетокот на четвртиот период. ЛА Лејкерс од 100:98 направија серија и дојдоа до водство од 111:98.
Иако Хјустон повторно успеа да дојде до два поени негатива на самиот крај (131:129), домашните успеаја да го одбијат тој напад и да ја забележат 20. победа сезонава.
Мемфис Гризлис убедливо го совладаа Феникс Санс со 136:106.
Гризлис против ривалот десеткуван од повреди стигнаа до јубилејната десетта победа во низа и ја продолжија борбата со Денвер Нагетс за првото место на Западот.
Во следниот натпревар против Кливленд Кавалирс, тие имаат шанса да го израмнат рекордот на франшизата од 11 последовни победи поставен минатата сезона.
Мемфис го предводеа Џа Морент со 29 поени и Дезмонд Бејн со 28 поени, додека Џерен Џексон додаде 18 кошеви со дури 6 блокади.
Гризлис го имаа луксузот да ги имаат Морент и Дилон Брукс на клупата во последната четвртина, бидејќи имаа предност од 36 поени.
Мемфис постигна најмалку 130 поени на трет натпревар по ред, израмнувајќи го рекордот на франшизата, исто така поставен минатата сезона.
Феникс Санс, кои се уште се без Крис Пол и Девин Букер, беа предводени од Микал Бриџис со 21 поен и Деандре Ајтон со 18 поени.
На останатите натпревари беа постигнати следните резултати: Милвоки – Индијана 132:119, Кливленд – Њу Орлеанс 113:103, Њујорк – Торонто 121:123, Вашингтон – Голден Стејт 118:127, Атланта – Мајами 121:113, Минесота – Јута 125:126.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.