Спорт
Мечевите на Австралија опен беа прекинати поради топлински стрес
![](https://makfax.com.mk/wp-content/uploads/2023/01/toplinski-stres.jpg)
Мечевите во првото коло на Австралија опен беа одбележани со прекини поради високите временски температури. Температурата во Мелбурн изнесуваше 36 степени Целзиусови, а организаторите реагираа според договорот откако донесоа одлука да ги спасат учесниците од такви горештини.
Имено, организаторите на Австралија Опен пред пет години воведоа скала на топлотен стрес, при што пониските степени даваат приоритет на стратегијата за зголемена хидратација и ладење.
На почетокот на мечевите од првото коло, скалата стигна до четвртата фаза, што значеше дека сингл играчите имаат право на десетминутна пауза, жените меѓу вториот и третиот сет, а мажите меѓу третиот и четвртиот сет.
Мечот меѓу Австралиецот Џордан Томпсон и Американецот Џеј Џеј Волф стигна до петтото ниво и мечот веднаш беше прекинат кон средината на вториот сет. Дуелите потоа продолжија на тениските терени на кои има покрив, Род Лејвер арена, Маргарет Корт и Џон Кејн.
Новак Ѓоковиќ пред пет години им се пожали на организаторите на жештините откако го победи Гаел Монфис на 39 степени. Не долго после тоа, беше воведена скалата на топлински стрес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.