Македонија
В понеделник пресуда за „Титаник 2“, Mијалков не се чувствува виновен
И по шест години од покренувањето на обвинението за „Титаник 2“, ексдиректорот на УБК кој се гони за влијаел врз Мендух Тачи за да бидат направени изборни нерегуларности – негира вина пред судот. Него го бранат тројца адвокати, од кои двајца даваа завршни зборови. Тој се приклучи кон тоа што тие го образложија пред судиите Осман Шабани и Огнен Ставрев.
„Мислам дека моите бранители се осврнаа на сите аспекти. Така што во таа смисла не сакам да се повторувам, ќе останам на тоа што тие го изнесоа. Апсолутно не се чувствувам виновен“, кажа Мијалков.
Немало влијание од Сашо Мијлаков врз Мендух Тачи образложуваше адвокатот Миле Петровски.
„Не само Мијалков, туку и другите обвинети треба да бидат ослободени од обвинение. Нема никаков доказ дека Мијалков го сторил делото кое му се става на товар и треба да биде ослбооден од обвинение. Во недостаток на докази дека Мијалков имал влијание врз Тачи, недостасува елемент на кривичното дело кое му се става на товар што е уште една причина за да биде ослободен од обвинението. Тврдењето дека користел Мијалков свое влијание е конструкција, а не со докази потврден факт.
Во дејствијата на Сашо Мијалков нема основен елемент за делото кое му се става на товар. Стои таму дека се санкционира постапување на одговорно лице, а Тачи не е одговорно лице. Партијата носи колективни одлуки, не ги носи сам одлуките. Не постои доказ дека поради било какво барање од Сашо Мијалков до Мендух Тачи е извршено влијание за противзаконито да сер стекне право Васил Пишев да не учествува во изборниот процес. Бараме од судот да го ослободи од обвинение, со чиста совест можете тоа да го направите, бидејќи нема еден доказ за тоа дека тој а и сите други направиле нешто“, рече Миле Петровски, адвокат на Мијалков во „Титаник 2“.
Љупчо Шврговски, втор бранител на Мијалков во овој судски процес, кажа дека очекувал јавниот обвинител Гаврил Бубевски да го повлече обвинението.
„Навистина не ми е јасно како може да се преиспитува работа на донесена одлука со таква сила (одлука од Управен суд). Зарем јавниот обвинител треба да ја преиспитува работата на судиите? Се работи со замени на тези. Тезата на обвинителот е дека е повредена постапката, Апелација наоѓа дека е повреда на друг член од Изборен законик. Треба да си ја признае грешката да го повлече обвинението или вие да донесете ослободителна пресуда. Јас мислев дека јавниот обвинител ќе го направи тоа. Но сметам дека вие ќе го направите тоа ќе донесете законита одлука“ , рече Љупчо Шврговски.
Во понеделник, по вторпат ќе има првостепена објава на пресудата за „Титаник 2“, а откако еднаш беше укината од Апелација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.
Македонија
Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака
Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вчерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.
„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.
Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.
„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.
„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.
Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.