Европа
Канада и донира 200 оклопни транспортери на Украина
Канада денеска објави дека на Украина ќе и донира 200 оклопни транспортери. Одлуката ја соопшти канадската министерка за одбрана, Анита Ананд за време на нејзината денешна посета на Киев.
„Среќна сум што можам да го потврдам новиот пакет воена помош за Украина“, рече Ананд во друштво на нејзиниот украински колега Олексеј Резников.
„Тоа се најсовремени возила, опремени со најдобра технологија. На нив може да се монтира и оружје и тие овозможуваат безбеден транспорт на персонал и опрема“, рече Ананд.
Канадската донација од 200 оклопни транспортери ја поздрави и украинскиот претседател Володимир Зеленски.
„Нашите пријатели продолжуваат да не поддржуваат дури и на овој тежок ден за Украина. Му благодариме на канадскиот премиер Џастин Трудо за новиот пакет воена помош, кој го најави Анита Ананд во Киев. Денес на украинската армија и се потребни 200 оклопни транспортери повеќе од кога било. Заедно посегнуваме по победата!“, објави Зеленски на Твитер.
On this difficult day for 🇺🇦, our friends continue to support us. Thank you @JustinTrudeau & 🇨🇦 people for another defense aid package announced today in Kyiv by @AnitaAnandMP. Today the Ukrainian army needs 200 Senator APCs more than ever. Together we are moving towards victory!
— Володимир Зеленський (@ZelenskyyUa) January 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.