Свет
Осудените на смрт во Иран имаат 15 минути за да се одбранат
Четворица млади мажи беа егзекутирани во Иран поради учество во протести, а уште 18 беа осудени на смрт. Групите за заштита на човековите права најостро го осудуваат начинот на кој се водат судските постапки во таа земја, наведувајќи дека тие се водат неправедно.
Мохамад Мехди Карами (22), шампион во карате, беше обесен на 7 јануари, само 65 дена по апсењето.
Извори за Би-Би-Си на персиски јазик изјавиле дека обвинетите имале помалку од 15 минути да се бранат пред судот.
Неговата приказна покажува како властите во Иран користат монтирани процеси за да ги заплашат демонстрантите кои бараат слобода и крај на постоечкиот режим, пишува Би-Би-Си.
Карами беше уапсен поради неговата вмешаност во убиството на припадникот на паравоената единица Басиј за време на протестот на 3 ноември.
Тој подоцна беше обвинет за корупција и беше суден пред Револуционерниот суд во Караџ на 30 ноември заедно со уште 15 лица, меѓу кои и три малолетници.
Обвинетите во Иран имаат право на правно застапување, но во чувствителни случаи како што е овој, или случаи на шпионажа, не им е дозволено сами да избираат свои адвокати.
Наместо тоа, судот назначува еден од списокот одобрен од судството.
На новинарите и на членовите на семејството на обвинетиот, исто така им е забрането да доаѓаат во судот, па единствена можност да се види што се случува зад затворени врати се монтирани снимки што ги објавува судството.
На едно такво видео, Карами е видно вознемирен бидејќи „признава“ дека удрил полицаец со камен во глава. Неговиот адвокат не го оспори обвинението, но побара од судијата прошка. Карами потоа вели дека бил „измамен“.
На 5 декември тој беше осуден на смрт, како и четворица негови соучесници.
Вообичаено е членовите на семејството на обвинетите да се најдат под притисок да не излегуваат во јавност.
Иранска група за човекови права вели дека најмалку 109 демонстранти се соочуваат со ризик од егзекуција бидејќи се или осудени на смрт или обвинети за големи злосторства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.