Спорт
Сити останува најбогатиот фудбалски клуб на светот, повеќе од половина од топ 20 се англиски клубови
Манчестер сити остануваат најбогатиот фудбалски клуб на светот според аналитичката куќа „Делоит“, на листа на која Ливерпул го претекна Манчестер јунајтед, а фактот што повеќе од половина од топ 20 клубовите се од Англија ја покажува финансиската сила на Премиерлигата.
Сити успеале да „генерираат“ 619.1 милиони фунти во 2021/22, и најблиски им се Реал Мадрид со 604.5 милиони фунти, додека Ливерпул првпат се пред своите лути ривали Манчестер јунајтед на третото место со 604.5 милиони фунти во однос на 594.3 милиони фунти на „ѓаволите“. Топ 5 го комплетира францускиот гигант Пари Сен-Жермен со 554 милиони фунти.
Барселона по сите финансиски проблеми паѓа на седмото место со 540.5 милони фунти, а на листата има уште осум премиерлигаши: Челси, Тотенхем, Вест хем, Лестер, Лидс, Евертон и Њукасл. Во топ 30 на светот има дури 16 Премиерлигаши.
„Моделот на Премиерлигата е прифатлив за странските пазари и постои опасност таа финансиска разлика да не може да се надополни од страна на другите лиги. Тие би требало да извадат нешто посебно, некоја нова технологија или да има процес на интернационализација за да ги зголемт своите профити. Тоа е предизвик за остатокот на европските клубови“, вели Тим Бриџ, шефот на спортската бизнис-групација на „Делоит“.
ТОП 20 НАЈБОГАТИ КЛУБОВИ НА СВЕТОТ
1.Манчестер сити (Премиерлига) 619.1 милиони фунти
2.Реал Мадрид (Ла лига) 604.5 милиони фунти
3.Ливерпул (Премиерлига) 594.3 милиони фунти
4.Манчестер јунајтед (Премиерлига) 583.2 милиони фунти
5.Пари Сен-Жермен (Лига 1) 554 милиони фунти
6.Баерн Минхен (Бундеслига0 553.5 милиони фунти
7.Барселонаа (Ла лига) 540.5 милиони фунти
8.Челси (Премиерлига) 481.3 милиони фунти
9.Тотенхем (Премиерлига) 442.8 милиони фунти
10.Арсенал (Премиерлига) 367.1 милиони фунти
11.Јувентус (Серија А) 339.3 милиони фунти
12.Атлетико Мадрид (Ла лига) 333.6 милиони фунти
13.Борусија Дортмунд (Бундеслига) 302.2 милиони фунти
14.Интер (Серија А) 261.2 милиони фунти
15.Вест хем (Премиерлига) 255.1 милиони фунти
16.Милан (Серија А) 224.4 милиони фунти
17.Лестер (Премиерлига) 213.6 милиони фунти
18.Лидс (Премиерлига) 189.2 милиони фунти
19.Евертон (Премиерига) 181 милиони фунти
20.Њукасл (Премиерлига) 179.5 милиони фунти
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Еурофарм Пелистер ја одбрани титулата
Ракометарите на Еурофарм Пелистер ја одбранија титулата во домашното првенство. Пелистер во последното коло влезе со бод предност пред Вардар 1961. Пелистер го совладаа Алкалоид со 32:28, а во исто време Вардар славеше над Бутел со 31:25.
Против Алкалоид, Пелистер уште на полувреме дојде до предност која му обезбеди мирно второт полувреме. Пелистер на полувреме водеше 18:13, во вториот дел Алкалоид успеа да „скине“ само еден гол од таа негатива.
Спорт
(Видео) Родители се тепаа во Детската лига, ФФМ забрани публика
По денешниот инцидент на завршниот турнир во Детската лига, Фудбалската федерација на Македонија (ФФМ) одлучи понатамошните натпревари од Детската лига да се одиграат без присуство на публика.
На еден од терените на ФММ во Ново Лисиче, на натпреварот меѓу Сарај и Фит Кид, генерација 2012 година, се случи тепачка меѓу родители. Родителите се тепаа на теренот, додека децата гледаат.
Видео: Youtube, Огнен Дојчиновски
ФФМ го осуди насилството, изрази разочараност и забрани присуство на публика.
Во продолжение соопштиението на ФФМ:
“Тренерите на тимовите учесници во натпреварувањето се известени да го почитуваат кодексот за фер-игра и однесување. Секое спротивно однесување ќе подлежи на дисциплински сакнции.
Фудбалската федерација на Македонија изразува длабока разочараност од инцидентот што се случи на детскиот фудбалски натпревар од финалниот турнир на тренинг центарот “Петар Милошевски”.
Она што требаше да биде настан на кој се слави спортскиот дух, тимската работа и радоста на играта беше нарушено со неприфатливото однесување на дел од присутните родители.
Како организација посветена на промовирање на позитивна и фер-плеј средина за нашите најмлади фудбалери, најостро го осудуваме однесувањето на присутните родители кои го предизвикаа и учестуваа во инцидентот. Таквото однесување е спротивно на вредностите што ги поддржуваме и примерот што се стремиме да им го дадеме на нашите деца.
Од клучно значење е сите да се стремиме кон основната цел на детскиот спорт: поттикнување развој, забава и почит меѓу учесниците.
Фудбалската федерација на Македонија како организатор на Детска лига сериозно размислуваше за драстична одлука и суспендирање на понатамошните натпревари, но таа одлука би значело само штета за сметка на радоста на децата и нивната желба за игра.
ФФМ сепак донесе одлука понатамошните натпревари да се одиграат без присуство на публика.
Исто така, тренерите на тимовите учесници во натпреварувањето се известени да го почитуваат кодексот за фер-игра и однесување. Секое спротивно однесување ќе подлежи на дисциплински сакнции.
Ги повикуваме сите родители и гледачи во иднина да размислуваат за влијанието што нивните постапки го имаат врз децата и секогаш да се однесуваат на начин кој поддржува и поттикнува позитивен развој.
Наш приоритет е да обезбедиме секое дете да ужива во играњето фудбал во безбедна и позитивна средина“.
Спорт
Спринтот во Муџело за Бањаја, нервозниот Мартин не ја заврши трката
Мотоциклистот на Дукати, Франческо Баеаја, победи на спринтот на Големата награда на Италија во Муџело. Бањаја победи со време за 19:30.251 минута.
За актуелниот шампион ова е прва спринт победа по трката за ГН на Австрија минатата година.
Второто место го зазеде возачот на Гресини Дукати, Марк Маркез, со заостанување од 1,469 секунди, додека Педро Акоста Гас Гас КТМ ја мина целта на третото место. Неверојатниот дебитант беше 4,147 секунди побавен од победникот.
Четвртото место му припадна на Франко Морбидели од Прамак Дукати, зад него беа Маверик Вињалес на Априлија и Бред Биндер на КТМ.
Бањаја имаше исклучителен старт и многу брзо направи голема разлика во однос на конкурентите.
Маркез и Мартин не можеа да се пофалат со ваков импресивен старт, па по првиот свиок ги заземаа позициите четири и пет, зад бранителот на титулата, Енеа Бастианини и Бред Биндер.
Спринтот го одбележа Хорхе Мартин од Прамак Дукати. Тој најпрво го елиминираше Енеа Бастианини од трката, имаше контакт со него кога се обиде да го престигне, а потоа самиот направи грешка и заврши надвор од патеката.
Мартин и натаму е лидер во генералниот поредок со 155 бодови. Бањаја е втор со 27 помалку, додека Марк Маркез заостанува дополнителни пет бода.
Трката за ГН на Италија е закажана за в недела во 14 часот