Европа
Средба Макрон – Шолц утре во Париз
Германскиот канцелар Олаф Шолц, францускиот претседател Емануел Макрон и членовите на раководството на двата парламента ќе се сретнат утре во Париз за да разговараат за економијата и енергијата, одбраната и европската политика, соопштија официјален Берлин и Париз.
Состанокот првично беше планиран за октомври, но ненадејно беше откажан, а Германија како причина ја наведе потребата од натамошна координација за клучните прашања.
Се очекува состанокот да започне утре наутро со церемонија на комеморација на Елисејскиот договор на Универзитетот во Сорбона, на која ќе говорат лидерите на двете земји.
Се очекува централна тема на средбата да биде војната во Украина, како и соработката во Европската унија и НАТО.
Што се однесува до економските прашања, се очекува централна точка на разговор да биде енергетската соработка. Двете земји планираат да разговараат за соработката во снабдувањето, транзицијата кон одржлива економија, како и жестоко оспоруваниот закон за намалување на инфлацијата во САД, кој ризикува да ја стави ЕУ во неповолна положба и да започне трговски конфликти.
Пред средбата во недела, Шолц и Макрон ја истакнаа својата волја за зајакнување на Европа во гостинска статија за германскиот весник „Франкфуртер алгемајне цајтунг“.
Во контекст на војната во Украина, двајцата ги наведоа клучните точки за суверена Европа каде луѓето можат да живеат во мир, просперитет и слобода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Путин нареди регрутирање на 133.000 нови војници
Рускиот претседател Владимир Путин нареди да се регрутираат нови 133.000 војници во есенското регрутирање, кое започнува на 1 октомври и трае до крајот на годината, а според шефот на канцеларијата за регрутирање, регрутите нема да одат на боиштата во Украина.
Декретот на Кремљ, објавен во вчерашниот руски државен весник „Росијскаја газета“, повикува на мобилизација на граѓаните „на возраст од 18 до 30 години, кои не се во резерва и се предмет на воена служба во согласност со федералниот закон (…) во износ од 133.000 луѓе.“
Шефот на руската канцеларија за регрутирање, вицеадмирал Владимир Цимлјански изјави дека условите за регрутирање остануваат исти – 12 месеци стаж во воените единици во Русија.
„Би сакал да забележам дека регрутите нема да бидат поканети да учествуваат во специјална воена операција во новите региони“, го цитира весникот рускиот вицеадмирал.
Русија ја нарекува војната во Украина, која започна со инвазијата во февруари 2022 година, специјална воена операција. Киев и неговите сојузници тоа го нарекуваат брутална агресија и неиспровоциран, империјалистички обид за заземање на земјата.
Во потег што го осуди поголемиот дел од западниот свет, Русија анектираше делови од југоисточна Украина кон крајот на 2022 година, нарекувајќи ја земјата „нови региони“, потсетува Ројтерс.
Наведувајќи ги зголемените закани на западните граници на Русија, Путин нареди во септември руската војска да се прошири за 180.000 војници на 1,5 милиони активни војници, што ќе ја направи втора по големина во светот по кинеската.
Европа
Почнува судењето на Ле Пен и десничарите, се сомничи дека украле 7 милиони евра
Пред судот во Париз денеска почнува судењето на Марин Ле Пен и другите француски десничари под обвинение за незаконско земање финансиски средства за лажни вработени во Европскиот парламент.
Покрај долгогодишниот лидер на Националниот фронт, Ле Пен, еден од 28-те обвинети за проневера е и татко ѝ и основач на партијата, Жан Мари Ле Пен.
Од самиот почеток Марин Ле Пен ги негира наводите за проневера, кои се однесуваат на периодот меѓу 2004 и 2016 година.
Според неа, станува збор за политички прогон, а од Европскиот парламент велат дека се оштетени финансиски, но и дека им е уништен угледот.
На обвинетите им се суди за евентуално измамничко вработување асистенти на неколку француски пратеници во Европскиот парламент.
Според Обвинителството, Ле Пен и нејзините колеги од партиите Национален фронт и Национален собир користеле пари наменети за плаќање помошници на пратениците во Европскиот парламент за да им платат на луѓето што извршувале работа за партијата во Франција.
Доколку биде прогласена за виновна, максималната казна за овие кривични дела е 10 години зад решетки.
Исто така, доколку бидат прогласени за виновни, обвинетите би можеле да добијат забрана за вршење јавна функција во рок од пет години, што би можело да ја спречи кандидатурата на Ле Пен на следните претседателски избори во 2027 година.
Европа
(Видео) Украина: Русите утрово го нападнаа Киев со дронови, сите ги соборивме
Русија рано утринава изврши неколку напади со беспилотни летала врз Киев, а единиците за противвоздушна одбрана успешно го бранат градот, соопшти украинската армија.
Ројтерс пишува дека сведоци слушнале бројни експлозии во главниот град на Украина, како и дека виделе како воздушната одбрана ги уништува објектите во воздух.
Sleepless night in Kyiv as Russian attack drones entered the city overnight in waves and from multiple directions.
The air raid alarm in the capital lasted more than 5 hours. Ukrainian air defense successfully neutralized all UAVs that posed a threat.
Explosions were also heard… pic.twitter.com/0wJrhxs5gi
— KyivPost (@KyivPost) September 30, 2024
Сите беспилотни летала лансирани од Русија во Киев се уништени со одбранбени системи или неутрализирани со електронско војување, изјави Серхи Попко, шеф на воената администрација во Киев.
Проценките за размерите на нападот ќе бидат објавени во текот на денот, но според првичните информации нема жртви и не е забележана штета, додаде тој.
Предупредувањето за воздушен напад за подрачјето на Киев, Киевската област и целиот источен дел на Украина беше во сила утринава повеќе од пет часа, соопштија од украинските воздухопловни сили.