Свет
Јапонскиот премиер: Нашата земја е на работ
Јапонскиот премиер Фумио Кишида вети дека ќе преземе итни чекори за справување со падот на наталитетот во земјата. Во последните години Јапонија се обиде да ги охрабри своите жители да имаат повеќе деца со ветување парични бонуси и многубројни бенефиции, но останува едно од најскапите места во светот за одгледување дете, покажува истражувањето.
Бројот на раѓања минатата година беше рекордно низок, според официјалните бројки, и првпат падна под 800.000 – пресвртница што се случи осум години порано отколку што очекуваше владата. Ова, најверојатно, ќе го забрза натамошниот пад на бројот на жители во земја во која просечната возраст е 49 години, највисока во светот по Монако.
„Нашата земја е на работ. Прашањето е дали може да ги задржи своите општествени функции“, рече Кишида во политичкиот говор на отворањето на годинешната парламентарна седница. „Тоа е сега или никогаш кога станува збор за политиката на раѓање и воспитување деца – тоа е прашање што едноставно не може да чека повеќе“, додаде тој.
Кишида рече дека ќе поднесе планови за двојно зголемување на буџетот за политиките поврзани со децата до јуни и дека во април ќе биде формирана владина агенција за деца и семејства, која ќе го надгледува ова прашање.
Јапонија е третата најскапа земја во светот за одгледување дете, според YuWa Population Research, зад Кина и Јужна Кореја, земји што исто така сметаат дека намалувањето на населението дава загрижувачки знаци за глобалната економија. Други земји исто така се соочуваат со стареење и намалување на населението, при што Кина минатата недела објави дека нејзиното население ќе опадне во 2022 година првпат по 60 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Американците објавија снимка од пресретнувањето на руските авиони, за малку ќе дојдеше до несреќа
Северноамериканската воздушна и вселенска одбранбена команда (НОРАД) објави видео од ескадрила ловци пресретнувачи Ф-16Ц, кои доживеаја инцидент на небото во близина на Алјаска минатата недела.
Имено, пар борбени авиони Ф-16Ц полетале за оперативно да пресретнат пар руски стратешки бомбардери Ту-95 и нивната борбена придружба.
На снимката се гледа дека во еден момент рускиот борбен авион Су-35 изведува маневар на многу кратко растојание од американскиот борбен авион Ф-16Ц, пресекувајќи му го патот.
“On Sept 23, 2024, NORAD aircraft flew a safe and disciplined intercept of Russian Military Aircraft in the Alaska ADIZ. The conduct of one Russian Su-35 was unsafe, unprofessional, and endangered all – not what you’d see in a professional air force.” – Gen. Gregory Guillot pic.twitter.com/gXZj3Ndkag
— North American Aerospace Defense Command (@NORADCommand) September 30, 2024
Порталот „Воена зона“ пишува дека ова е најблиската средба меѓу руските и американските пилоти откако стратешкиот бомбардер Б-52 доживеа сличен инцидент со Русите во 2020 година над Црното Море.
Свет
По ураганот Хелен бројот на загинати се искачи на 130 во шест американски сојузни држави
Уште два смртни случаи беа потврдени во Тенеси како резултат на ураганот Хелена, со што бројот на загинати се искачи на 130 во шест американски сојузни држави.
Градоначалникот на Вашингтон ја потврди најновата вест, но и додаде дека во тој дел од земјата се уште се трага по 17 лица.
Според моментално достапните информации, најмногу жртви на ураганот има во Северна Каролина (56), потоа Јужна Каролина (30), потоа Џорџија (25), Флорида (11), Тенеси (6) и две лица во Вирџинија.
Поразителните бројки велат дека во Ешвил, Северна Каролина, дури 600 луѓе се водат за исчезнати.
Потрагата ја отежнува и тоа што градот е поплавен, а изгубен е и опсегот на мобилни телефони, но и струјата.
– Има уште многу луѓе до кои треба да дојдеме, така што тоа е приоритет. Но, ние сме, исто така, во ситуација кога немаме вода и струја во повеќето области, и ни требаат ресурси како што се вода за пиење и храна и други предмети за домаќинството и личните предмети што им требаат на луѓето“, рече градоначалникот на Ешвил, Естер Манхајмер.
Според извештаите, американскиот претседател Џо Бајден треба да го посети тој град за да го види степенот на ужасот што го донесе ураганот со себе.
Свет
(Видео) Снимен моментот кога Израелците го нападнаа Либан
Политичкото раководство во Тел Авив во ноќта меѓу понеделникот и вторникот донело одлука израелската копнена армија да влезе во Либан во операција која, како што велат, е временски и обемно ограничена и нема намера да го окупира јужен Либан.
Операцијата „Северна стрела“ беше одобрена од безбедносниот кабинет, а израелската армија синоќа почна, како што тврдат, „локализирани и насочени напади“ врз цели на Хезболах во јужен Либан.
Објавено е видео од самиот почеток на влегувањето на ИДФ во Либан.
Целите се наоѓаат во селата во близина на границата и „претставуваат непосредна закана за израелските заедници во северен Израел“, се додава во соопштението на ИДФ.