Свет
Убиецот на седум луѓе во Калифорнија легално поседувал оружје: претходно бил обвинет за насилство на колеги
Осомничениот за убиството на седум лица во Калифорнија легално поседувал полуавтоматско оружје, соопшти полицијата.
Полицијата го идентификува осомничениот како 66-годишниот Чунли Џо, кој не им бил познат на локалните власти до ова злосторство.
Кога полицијата пристигнала во блиската фарма за печурки, пронашла четири тела, а потоа во близина нашла уште три. Локалниот шериф го опиша злосторството како „инцидент на насилство на работното место“ нагласувајќи дека тој имал цел одредени луѓе.
Единствената врска меѓу жртвите и осомничениот е дека тие биле или сегашни или поранешни колеги.
В среда попладне се очекува осомничениот да се појави пред судот.
Бидејќи истрагата за злосторството сè уште е во тек, властите не успеале да утврдат кој би можел да бил мотивот на напаѓачот за убиство на седумте лица. Полицијата соопшти дека не знаела за неговото минато, што веројатно може да укаже дека Џо можел да го изврши масакрот.
Тој претходно бил обвинет за насилство на работното место, според документите што ги видел Си-ен-ен.
Претходно му била издадена забрана за приближување до својот поранешен колега и цимер, кој го обвинил Џо за напад и закани. Против него била издадена привремена забрана за приближување, а потоа во март 2013 година Џо ја напуштил работата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.