Свет
(Видео) Зеленски: Немам интерес да се сретнам со Путин, тој е никој за мене
Украинскиот претседател Володимир Зеленски за „Скај њуз“ изјави дека не е заинтересиран да се сретне со Владимир Путин за мировни преговори велејќи дека тој, всушност, е ирелевантен и дека не е сигурен кој точно ги носи одлуките во Русија.
„Не сум заинтересиран за средба со Путин. Ни средба ни преговори. Навистина не знам кој ги носи одлуките во Русија. По сеопфатната инвазија, Путин за мене е никој“, рече Зеленски.
Тој додаде дека нема намера да се бори на руска територија.
„Јас само сакам да ја прекинат инвазијата и да ја напуштат нашата земја што е можно побргу. Можам да ви кажам со сигурност – ако ја напуштат нашата територија, војната ќе заврши. Тоа е сè“, рече украинскиот претседател истакнувајќи дека имало посилни напади и офанзиви во последните денови.
„Сè зависи од тоа колку од нив можеме да задржиме. На исток тие напредуваат и губат многу луѓе. Но, не им е грижа за тоа. Тие не се интересираат за своите луѓе. Тоа е факт. Ние се обидуваме да ги преброиме, ама немаме точни податоци. Од нивна страна има многу повеќе жртви. Колку што видовме, има илјадници мртви на нивна страна, а тие само ги фрлаат на фронтот“, рече Зеленски.
За време на интервјуто, кое е снимено за неговиот 45-ти роденден, украинскиот претседател дознал дека Германија одлучила да испрати 14 тенка „Леопард 2“ во Киев.
Вчера, по одлуката на Германија, и САД објавија дека во Украина ќе испратат 31 тенк „М1 Абрамс“, еден од најмоќните американски тенкови.
Британија беше првата западна земја што вети дека ќе испрати тенкови во Киев, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.