Свет
Шолц: Ќе разговарам со Путин
![](https://makfax.com.mk/wp-content/uploads/2022/09/Olaf-Sholc.jpg)
Рускиот претседател, Владимир Путин, е отворен за контакти со германскиот канцелар Олаф Шолц, иако нема закажан телефонски разговор со него, изјави во неделата портпаролот на Кремљ за државната новинска агенција РИА Новости.
Германија, која најмногу се противеше од сите западни земји за снабдување на Украина со модерни борбени тенкови за да помогне во борбата против руската инвазија, минатата недела рече дека ќе ги испрати своите 14 тенкови Леопард 2 во Киев и ќе им дозволи на сојузничките европски земји да ги испорачуваат.
Таа објава, по која САД им ветија на Киев тенкови М1 Абрамс, го разбесни Кремљ.
„Засега нема закажани разговори (со Шолц). Путин беше и останува отворен за контакти“, изјави портпаролот на Кремљ, Дмитриј Песков, пренесе РИА Новости.
Во интервју за берлинскиот дневен весник Тагесшпигел, објавено во неделата, Шолц рече: „И јас повторно ќе разговарам со Путин – затоа што е неопходно да се разговара“.
„Одговорност на Путин е да ги повлече војниците од Украина со цел да се стави крај на оваа ужасна, бесмислена војна која веќе чинеше стотици илјади животи“, додаде германскиот канцелар.
Путин и Шолц последен пат разговарале телефонски на почетокот на декември. Рускиот лидер тогаш рече дека германскиот и западниот однос кон Украина е „деструктивен“ и го повика Берлин да го преиспита својот пристап.
Германија е вториот најголем донатор на воена опрема за Украина по САД, според Институтот за светска економија во Кил, пред другите европски сили како Франција и Британија.
Киев вели дека мировните преговори се можни само доколку Русија престане да напаѓа и ги повлече сите свои сили од украинската почва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
28 милиони долари за кампањата на Бајден собраа холивудските ѕвезди
![](https://makfax.com.mk/wp-content/uploads/2024/06/bajden-italija.jpg)
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.