Македонија
(Видео) Халили: Не е првпат Бугарија да ја осудува Македонија, во своја куќа можеш секој ден да правиш свадба
![](https://makfax.com.mk/wp-content/uploads/2023/02/ГФСДФГ.jpg)
Не е првпат Бугарија да донесе декларација со осуда за Македонија. Ова во интервју за „Макфакс“ го вели Мухамед Халили, претседател на Советот на амбасадорите, а откако денеска бугарскиот парламент го осуди насилството врз македонските Бугари во Македонија, како и омаловажувањето на проблемот со правата и безбедноста на Бугарите во Македонија. Според Халили, Бугарија може дома да прави што сака, а битката треба да ја бие пред ЕУ.
„Не е првпат тие да усвојат таква декларација. Никој не им брани тоа да го прават, под услов, тие тоа да го бараат кај меѓународните институции. Ти во твоја куќа можеш секој ден да правиш свадба, но кога ќе се соочат аргументите кај комесарот за малцински прашања од ОБСЕ, кај Совет на Европа каде имаме неколку резолуции за незапишување на македонските друштва во нивните закони – друго ќе мисли светот, нема да ги земе бугарските аргументи“, кажа Халили.
За случајот со претепаниот Пендиков, македонски државјанин кој се декларира како Бугарин, смета дека министерот Бујар Османи не направил грешка што отишол да го посети во Бугарија, иако јавноста тоа го смета за т.н. коленичење.
„Ние не треба да мислиме дека сите паметни луѓе треба да ги најдеме во Бугарија. Ова е нивна класична грешка и класична недозволива метода на третирање на овој проблем. Нашата кривица е во тоа што ние не сме седнале со водачите на тие клубови и како наши државјани, граѓани, да ги третираме нивните проблеми. Проблемот на нивната интеграција во македонското општество треба да биде преку взаемен дијалог“, објаснува Халили, запрашан како гледа на случајот со претепаниот секретар на бугарскиот клуб Христијан Пандиков.
Според него, треба да се разговара со Бугарите кои имаат македонско државјанство и да се слушнат маките, а Бугарија ако не е задоволна од ваков пристап да си бара решение пред меѓународните институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.