Спорт
УФЦ го потврди враќањето на Мекгрегор
Конор Мекгрегор се враќа во октагонот, потврди денеска првиот човек на УФЦ, Дејна Вајт, а противник на ирската ѕвезда ќе биде американскиот борец Мајкл Чендлер. Локацијата и датумот на борбата се уште не се познати.
Шефот на УФЦ, Дејна Вајт, денеска објави дека Мекгрегор и Чендлер претходно ќе имаат улоги како тренери во „The Ultimate Fighter – TUF“.
„Потврдени се тренерите за 31. сезона на „TUF“. Конор Мекгрегор и Мајкл Чендлер ќе бидат тренери. Сезоната ќе трае од 30. мај до 15. август. На крајот на сезоната Мекгрегор и Чендлер ќе се борат. Се уште немаме датум и локација, но наскоро ќе дознаеме“, рече Дејна Вајт.
Мекгрегор по две години ќе се врати во октагонот. Последен пат се бореше во јули 2021 година кога ја скрши ногата во поразот од Дастин Поарие.
Ирецот во меѓувреме имаше бројни скандали. Како и секогаш, многу се зборуваше за неговото враќање, а тој најавува дека се враќа по шампионските титули.
Ирецот во професионалната ММА кариера има 28 борби, има биланс од 22 победи и шест порази.
Мајкл Чендлер е член на УФЦ од 2021 година. Кариерата ја започна со спектакуларен нокаут над Ден Хукер, но потоа загуби неколку важни борби.
Во борбата за титулата во лесна категорија загуби од Чарлс Оливеира, а потоа и од Џастин Гетје и Дастин Поарие. Чендлер има учинок од 23 победи и осум порази во својата професионална кариера, беше и шампион во Белатор во лесна категорија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.